ዬሱሲ ኪቴዳዋንቱ ኦሱዋ 4:23-34 in Dawro

²³ ጴፂሮሲኔ ዮሃኒሲ ቢሌቲዴ፥ ባሬንቱ ዳባቱዋኮ ቢዴ፥ ቄሳቱዋ ካፓቱኔ ኣዪሁዳ ጪማቱ ባሬንታ ጌዳባ ኡባ ኡንቱንቶ ኦዴዲኖ።

²⁴ ኡንቱንቱ ሄዋ ሲሴዳ ዎዴ፥ ኢቲ ዎዛና ጊዲዴ፥ ፆሳ ሃዋዳን ያጊዴ ዎሴዲኖ፤ «ኡባ ሞዲያ ጎዳው፥ ሳሉዋ፥ ሳዓ፥ ኣባኔ ኡንቱንቱ ጊዶን ዴዒያ ኡባባ ሜꬌዳዎ፥

²⁵ ኔኒ ኔው ኦꬂያ ኑ ኣዉዋ ዳዊቴ ዶናን ጌሻ ኣያናን ሃሳያዴ፥ ‹ኣዪሁዳ ጊዴና ኣሳይ ኣዪሲ ዪሎቴዴ? ቃሲ ኣሳይ ኣዪሲ ዳንቤናባው ማቄቴዴ?

²⁶ ሳዓ ካታቱ ጊጌቴዲኖ፤ ጋዲያ ሞዲያዋንቱ ጎዳ ቦላኒኔ ኢ ኦኬዳ ኪሪስቶሳ ቦላ ኢቲፔ ዴንዴዲኖ› ያጋዴ ሃሳያዳ።

²⁷ «ኣዪሲ ጎፔ፥ ሄሮዲሲኔ ጴንፄናዊያ ጲላፆሲ ኣዪሁዳ ጊዴና ኣሳናኔ ኢስራዔሊያ ኣሳና፥ ኔኒ ኦኬዳ ኪሪስቶሳ ኔ ጌሻ ናዓ ዬሱሳ ቦላ ዴንዳናው፥ ሃ ካታማን ሺቄዳዌ ቱማ።

²⁸ ቃሲ ኔኒ ኔ ዎልቃኒኔ ኔ ሼኒያን ሃናና ጋዴ ቆፓ ኡቴዳባ ኡባ ኦꬃናው ሺቄዲኖ።

²⁹ ሃዒካ ጎዳው፥ ኡንቱንቱ ናሲያ ፄላ፤ ኑኒ ኔና ካሊያዋንቱ፥ ኔ ቃላ ኩሜንꬃ ቆንጬቴꬃን ኦዳናዳን፥ ኑና ዳንዳዪሳ።

³⁰ ፓꬃናው ኔ ዎልቃ ቤሳ፤ ቃሲ ኔ ጌሻ ናዓ ዬሱሳ ሱንꬃን ኦራꬃባኔ ማላታ ኦሲሳ» ጊዴ ዎሴዲኖ።

³¹ ኡንቱንቱ ፆሳ ዎሴዳዋፔ ጉዪያን፥ ሄ ኡንቱንቱ ሺቄዳሳይ ቃፄዳ። ኡንቱንቱ ኡባን ጌሻ ኣያናይ ኩሚና፥ ፆሳ ቃላ ቆንጬቴꬃን ኦዴዲኖ።

³² ኣማኒያዋንቱ ኡባቱ ቆፋኒኔ ዎዛናን ኢቱዋ ጊዴዲኖ። ኡንቱንቱ ሜሂ ኡባይ ኢቲፔ ዴዒያዋፔ ኣቲን፥ ባሬው ዴዔዳባ ኦኒኔ ባሬንቱባ ጊቤና።

³³ ዬሱሲ ኪቴዳዋንቱ ጎዳ ዬሱሲ ሃይቁዋፔ ዴንዴዳዋ ዎልቃማ ዎልቃን ማርካቲኖ፤ ቃሲ ፆሳይ ኡንቱንቶ ኡባው ኣꬎ ኬካቴꬃ ዳሪሲዴ ኢሜዳ።

³⁴ ኣማኒያዋንቱ ጊዶን ሜቶታንቻይ ኢቱኔ ባዋ፤ ኣዪሲ ጎፔ፥ ቢታይ ዎይ ጎሊ ዴዒያዋንቱ ኡባቱ ዛሊዒዴ፥ ኣኬዳ ሚሻ ኣሂዴ፥

²³ Phexiroossinne Yohaannisi bilettiide, barenttu dabbatuwakko biide, qeesatuwaa kaappatuunne Ayihuda cimatuu barentta geeddabaa ubbaa unttunttoo odeeddino.

²⁴ Unttunttu hewaa siseedda wode, itti wozana gidiide, Xoossaa hawaadan yaagiide woosseeddino; “Ubbaa Mooddiyaa Godaw, saluwaa, sa7aa, abbaanne unttunttu giddon de7iyaa ubbabaa medhdheeddawoo,

²⁵ Neeni New oothiyaa nu aawuwaa Daawite doonaan Geeshsha Ayyaanan haasayaadde, ‘Ayihuda gidenna asay ayissi yiloteeddee? Qassi asay ayissi danbbennabaw maqqetteeddee?

²⁶ Sa7aa kaatatuu giigetteeddino; gadiyaa mooddiyaawanttu Godaa bollaninne I okkeedda Kiristtoosa bolla ittippe denddeeddino’ yaagaade haasayaadda.

²⁷ “Ayissi gooppe, Heeroodisinne Phenxxenaawiyaa Philaaxoosi Ayihuda gidenna asaannanne Israa7eeliyaa asaanna, neeni okkeedda Kiristtoosa ne Geeshsha Na7aa Yesuusa bolla denddanaw, ha katamaan shiiqeeddawe tuma.

²⁸ Qassi neeni ne wolqqaaninne ne sheniyaan hanana gaade qoppa utteeddabaa ubbaa oothanaw shiiqeeddino.

²⁹ Ha77ikka Godaw, unttunttu naasiyaa xeella; nuuni neena kaalliyaawanttu, ne qaalaa kumentha qonccetethaan odanaadan, nuuna danddayissa.

³⁰ Pathanaw ne wolqqaa bessa; qassi ne Geeshsha Na7aa Yesuusa sunthan oorathabaanne malaataa oosissa” giide woosseeddino.

³¹ Unttunttu Xoossaa woosseeddawaappe guyyiyan, he unttunttu shiiqeeddasay qaaxxeedda. Unttunttu ubbaan Geeshsha Ayyaanay kumina, Xoossaa qaalaa qonccetethaan odeeddino.

³² Ammaniyaawanttu ubbatuu qofaaninne wozanaan ittuwaa gideeddino. Unttunttu mehii ubbay ittippe de7iyaawaappe attin, barew de7eeddabaa ooninne barenttubaa gibeenna.

³³ Yesuusi kiitteeddawanttu Godaa Yesuusi hayquwaappe denddeeddawaa wolqqaama wolqqaan markkattiino; qassi Xoossay unttunttoo ubbaw aadho keekatethaa darissiide immeedda.

³⁴ Ammaniyaawanttu giddon metootanchchay ittuunne baawa; ayissi gooppe, biittay woy golli de7iyaawanttu ubbatuu zali77iide, akkeedda miishshaa ahiide,