ዬሱሲ ኪቴዳዋንቱ ኦሱዋ 26:4-16 in Dawro

⁴ «ታኒ ናዓቴꬃፔ ዶማዴ ታ ኣሳ ጊዶኒኔ ዬሩሳላሜን ዴዔዳ ታ ዴዑዋ ኣዪሁዳ ኡባቱ ካሴፔ ዶሚዴ ኤሪኖ።

⁵ ታኒ ኮይሮፔ ዶማዴ፥ ኑ ኣማኑዋ ሂጊያ ኦፔኔ ሚኒሲዴ ናጊያ ፓሪሳዋቱዋ ባጋ ፓሪሳዌ ጊዳዴ ዴዒያዋ፥ ኡንቱንቱ ማርካታናው ኮዮፔ ኤሪኖ።

⁶ ታኒ ሃዒካ ፆሳይ ኑ ኣዋቱዋሲ ኢማና ጌዳዋ ናሼቻን ናጊያ ዲራው፥ ፒርዴታናሲ ሃዋን ኤቃይ።

⁷ ቃሲ ታማኔ ላዑ ኑ ኣዋቱዋ ዛራቱ ፆሳው ቃማኔ ጋላሲ ኡባዴ ሚኒሲ ጎዪኒዴ፥ ፆሳይ ኢማና ጌዳዋ ኣካናው ናሼቻን ናጊኖ፤ ካቲያ ኣግሪጳ፥ ኣዪሁዳቱ ታና ሞቲያዌ ታኒ ሄዋ ናሼቻን ናጊያ ዲራሳ።

⁸ ኣዪሁዳቶ፥ ፆሳይ ሃይቄዳዋንታ ዴንꬂያዋ ኣዪሲ ኣማኒኪቴ?

⁹ «ታኒ ታ ሁጴዉካ ናዚሬቲያ ዬሱሳ ኤቄታናው ቤሴ ጋዴ ካሴ ቆፓዲ።

¹⁰ ታኒ ዬሩሳላሜን ኦꬄዳዌ ሃዋ፤ ቄሳቱዋ ካፓቱዋፔ ማታ ኣካዴ፥ ፆሳ ኣሳቱዋፔ ጮራቱዋ ቃሺሳዲ፤ ኡንቱንታ ዎꬊያ ዎዴካ ኡንቱንቱ ሃይቂያዋ ዶሳዲ።

¹¹ ኣዪሁዳ ዎሳ ጎሌ ኡባን ዳሮ ዎዴ ኡንቱንታ ሙራዴ፥ ባሬንቱ ኣማኑዋ ኡንቱንቱ ኣጋና ማላ ጎዴታዲ፤ ታኒ ዎጋይ ባይናዋ ኡንቱንቶ ሃንቄታዴ፥ ሃራይ ኣቶ፥ ሃራ ጋዲያ ካታማ ጋካናዉካ ኡንቱንታ ሜቶꬃይ።

¹² «ታኒ ሃ ዬዉዋሲ ቄሳቱዋ ካፓቱዋፔ ማታኔ ኣዛዙዋ ኣካዴ ዳማስቆ ባዲ።

¹³ ካቴው፥ ታኒ ሴታ ጋላሲ ኦጊያን ዴዒሺን፥ ኣዋ ፖዑዋፔ ሎይꬂ ኣꬊያ ፖዑ ታናኔ ታናና ቤዳዋንታ ዩዪ ኣꬊዴ፥ ሳሉዋፔ ፖዒሺን ቤዓዲ።

¹⁴ ኑኒ ኡባይ ሳዓን ኩንዴዳ ዎዴ፥ ኢብራዪስፄ ቃላን፥ ‹ሳዖላ፥ ሳዖላ፥ ታና ኣያው ዬዴሳን ሜቶꬃይ? ኔኒ ታና ኢፁሳን ኔና ቆሃሳ› ያጊዴ ታው ኦዲሺን ሲሳዲ።

¹⁵ «ያታዴ፥ ‹ታ ጎዳው፥ ኔኒ ኦኔ?› ያጋዲ። «ጎዳይ፥ ‹ታኒ ኔኒ ዬዴሳን ሜቶꬂያ ዬሱሳ።

¹⁶ ሺን ዴንዳ ኤቃ፤ ኣዪሲ ጎፔ፥ ሃቼ ኔኒ ታና ቤዔዳዋኔ ታኒ ኔና ሲንꬃፔ ቤሳናዋ ሃራንቶ ማርካታና ማላ፥ ታው ኦꬂያዋ ኡዳዴ ኔና ሱንꬃናው ኔው ቆንጫዲ።

⁴ “Taani na7atethaappe doommaade ta asaa giddoninne Yeerusalaamen de7eedda ta de7uwaa Ayihuda ubbatuu kaseppe doommiide eriino.

⁵ Taani koyroppe doommaade, nu ammanuwaa higgiyaa ooppenne minissiide naagiyaa Parisaawatuwaa bagga Parisaawe gidaade de7iyaawaa, unttunttu markkattanaw koyyooppe eriino.

⁶ Taani ha77ikka Xoossay nu aawatuwassi immana geeddawaa nashechchaan naagiyaa diraw, pirddettanaassi hawaan eqqay.

⁷ Qassi tammanne laa77u nu aawatuwa zaratuu Xoossaw qammanne gallassi ubbaade minissi goyinniidde, Xoossay immana geeddawaa akkanaw nashechchaan naagiino; Kaatiyaa Agriiphphaa, Ayihudatuu taana mootiyaawe taani hewaa nashechchaan naagiyaa diraassa.

⁸ Ayihudatoo, Xoossay hayqqeeddawantta denthiyaawaa ayissi ammanikkitee?

⁹ “Taani ta huuphewukka Naazireetiyaa Yesuusa eqettanaw bessee gaade kase qoppaaddi.

¹⁰ Taani Yeerusalaamen ootheeddawe hawaa; qeesatuwaa kaappatuwaappe maataa akkaade, Xoossaa asatuwaappe coratuwaa qashissaaddi; unttuntta wodhiyaa wodekka unttunttu hayqqiyaawaa dosaaddi.

¹¹ Ayihuda woosa golle ubbaan daro wode unttuntta muraadde, barenttu ammanuwaa unttunttu aggana mala godetaaddi; taani wogay baynnawaa unttunttoo hanqqettaade, haray atto, hara gadiyaa katamaa gakkanawukka unttuntta metoothay.

¹² “Taani ha yewuwaassi qeesatuwaa kaappatuwaappe maataanne azazuwaa akkaade Damasqqo baaddi.

¹³ Kaatew, taani seeta gallassi ogiyaan de7ishshin, awaa poo7uwaappe loythi aadhdhiyaa poo7uu taananne taananna beeddawantta yuuyyi aadhdhiide, saluwaappe poo7ishshin be7aaddi.

¹⁴ Nuuni ubbay sa7aan kunddeedda wode, Ibraayisxxe qaalaan, ‘Saa7oolaa, Saa7oolaa, taana ayaw yedesaan metoothay? Neeni taana ixussaan neena qohaasa’ yaagiide taw odishshin sisaaddi.

¹⁵ “Yaataade, ‘Ta Godaw, neeni oonee?’ yaagaaddi. “Goday, ‘Taani neeni yedesaan metoothiyaa Yesuusa.

¹⁶ Shin dendda eqqa; ayissi gooppe, hachche neeni taana bee7eeddawaanne taani neena sinthappe bessanawaa haranttoo markkattana mala, taw oothiyaawaa udaade neena sunthanaw new qonccaaddi.