ዬሱሲ ኪቴዳዋንቱ ኦሱዋ 22:26-30 in Dawro

²⁶ ሄዋ ፄታቱዋ ካፑ ሲሴዳ ዎዴ፥ ኦላ ካፑዋኮ ቢዴ፥ «ሃ ቢታኒ ሮሜ ኣሳ። ኔኒ ኣያ ኦꬃና ቆፓይ?» ያጊዴ ኦቼዳ።

²⁷ ኦላ ካፑ ጳዉሎሳኮ ሺቂዴ፥ «ኔኒ ሮሜ ኣሴ? ታው ኦዳ» ያጌዳ። ጳዉሎሲ፥ «ኤ» ያጌዳ።

²⁸ ኦላ ካፑ ጳዉሎሳው ዛሪዴ፥ «ታኒ ሃ ዛሬቴꬃ ዳሮ ሚሻን ሻማዲ» ያጌዳ። ሺን ጳዉሎሲ፥ «ታኒ ሄ ዜሬꬃፔ ዬሌታዲ» ያጌዳ።

²⁹ ሄዋ ዲራው፥ ጳዉሎሳ ቢዳናው ቆፔዳዋንቱ ማንዒያን ኣፔ ሻኬቲ ኣጌዲኖ። ኦላ ካፑካ ጳዉሎሲ ሮሜ ኣሳ ጊዴዳዋ ኤሬዳ ዎዴ ያዬዳ፤ ኣዪሲ ጎፔ፥ ሳንꬃላታን ኣ ቃሺሲ ዎꬄዳ።

³⁰ ዎንቴꬃ ጋላሲ ኦላ ካፑ፥ ኣዪሁዳቱ ጳዉሎሳ ኣዪሲ ሞቴዲኖንቶኔ ጌሺዴ ኤራናው ኮዪዴ፥ ጳዉሎሳ ቢሌዳ። ያቲዴ ቄሳቱዋ ካፓቱኔ ኣሳይ ኡባይ ሺቃና ማላ ኣዛዜዳ፤ ቃሲ ጳዉሎሳ ዱጌ ዎꬂዴ፥ ኡንቱንቱ ሲንꬃን ኤሴዳ።

²⁶ Hewaa xeetatuwaa kaappuu siseedda wode, olaa kaappuwaakko biide, “Ha bitani Roome asa. Neeni ayaa oothana qoppay?” yaagiide oochcheedda.

²⁷ Olaa kaappuu Phawuloosakko shiiqiide, “Neeni Roome asee? Taw oda” yaageedda. Phawuloosi, “E” yaageedda.

²⁸ Olaa kaappuu Phawuloosaw zaariide, “Taani ha zaretethaa daro miishshaan shammaaddi” yaageedda. Shin Phawuloosi, “Taani he zerethaappe yelettaaddi” yaageedda.

²⁹ Hewaa diraw, Phawuloosa biddanaw qooppeeddawanttu man77iyan aappe shaaketti aggeeddino. Olaa kaappuukka Phawuloosi Roome asa gideeddawaa ereedda wode yayyeedda; ayissi gooppe, santhalataan A qashissi wotheedda.

³⁰ Wonttetha gallassi olaa kaappuu, Ayihudatuu Phawuloosa ayissi mooteeddinonttonne geeshshiide eranaw koyyiide, Phawuloosa billeedda. Yaatiide qeesatuwaa kaappatuunne asay ubbay shiiqana mala azazeedda; qassi Phawuloosa duge wothiide, unttunttu sinthan esseedda.