ዬሱሲ ኪቴዳዋንቱ ኦሱዋ 15:32-40 in Dawro

³² ቃሲ ዪሁዳይኔ ሲላሴ ባሬንቱ ሁጴው ናባቱዋ ጊዲያ ዲራው፥ ኢሻቱዋ ሎይꬂ ማቂዴ ሚኒሴዲኖ።

³³ ኡንቱንቱ ኣንፆኪያን ኣማሬዳ ጋላሳ ኡቴዳዋፔ ጉዪያን፥ ኢሻቱ ሳሮቴꬃን ሞዪዚና፥ ባሬንታ ኪቴዳዋንቱኮ ሲሜዲኖ።

³⁴ ሺን ሲላሴ ያኒ ኣታናው ባሬ ቆፋ ቃቼዳ።

³⁵ ቃሲ ጳዉሎሲኔ ባርናባሲ ሃራ ጮራ ኣሳቱዋና ኢቲፔ ጎዳ ቃላ ታማሪሲዴኔ ዎንጋላ ሚሺራቹዋ ኦዲዴ፥ ኣንፆኪያን ኡቴዲኖ።

³⁶ ኣማሬዳ ጋላሳፔ ጉዪያን፥ ጳዉሎሲ ባርናባሳ፥ «ኑኒ ጎዳ ቃላ ኦዴዳ ካታማ ኡባን ኑ ኢሻቱ ዎቲ ዴዒኖንቶ፥ ጉዬ ሲሚዴ፥ ፆሞሲ ቤዖይቴ» ያጌዳ።

³⁷ ሄዋፔ ጉዬ ባርናባሲ ማርቆሳ ጌቴቲያ ዮሃኒሳ ባሬንቱና ኣፋናው ኮዬዳ።

³⁸ ሺን ጳዉሎሲ ማርቆሳ ባሬንቱና ኣፋናው ኮዪቤና፤ ኣዪሲ ጎፔ፥ ኢ ኡንቱንቱፔ ጲኒፊሊያን ሻኬቴዳ፤ ቃሲ ኡንቱንቱና ኦሱዋሲ ቢቤና።

³⁹ ኡንቱንቱ ጊዱዋን ሎዔና ዋላሳይ ኬሲና፥ ኢቱ ኢቱዋፔ ሻኬቴዳ፤ ባርናባሲ ማርቆሳ ኣኪዴ፥ ማርካቢያን ቆጲሮሳ ቤዳ።

⁴⁰ ሺን ጳዉሎሲ ሲላሳ ኣኪና፥ ኢሻቱ ኣ ሃዳራ ፆሳ ኣꬎ ኬካቴꬃው ኢሜዳዋፔ ጉዪያን ቤዳ።

³² Qassi Yihudaynne Sillaase barenttu huuphew nabatuwaa gidiyaa diraw, ishatuwaa loythi maqqiide minisseeddino.

³³ Unttunttu Anxxookiyan amareedda gallassaa utteeddawaappe guyyiyan, ishatuu sarotethaan moyizzina, barentta kiitteeddawanttukko simmeeddino.

³⁴ Shin Sillaase yaani attanaw bare qofaa qachcheedda.

³⁵ Qassi Phawuloosinne Barnaabaasi hara cora asatuwaanna ittippe Godaa qaalaa tamaarissiiddenne wonggalaa mishiraachchuwaa odiidde, Anxxookiyan utteeddino.

³⁶ Amareedda gallassaappe guyyiyan, Phawuloosi Barnaabaasa, “Nuuni Godaa qaalaa odeedda katamaa ubbaan nu ishatuu wooti de7iinontto, guyye simmiide, xomoosi be7oytte” yaageedda.

³⁷ Hewaappe guyye Barnaabaasi Marqqoossa geetettiyaa Yohaannisa barenttunna afanaw koyyeedda.

³⁸ Shin Phawuloosi Marqqoossa barenttunna afanaw koyyibeenna; ayissi gooppe, I unttunttuppe Phinifiliyan shaaketteedda; qassi unttunttunna oosuwaassi bibeenna.

³⁹ Unttunttu gidduwan lo77enna walassay kesina, ittu ittuwaappe shaaketteedda; Barnaabaasi Marqqoossa akkiide, markkabiyaan Qophiroosa beedda.

⁴⁰ Shin Phawuloosi Sillaasa akkina, ishatuu A hadaraa Xoossaa aadho keekatethaw immeeddawaappe guyyiyan beedda.