ዬሱሲ ኪቴዳዋንቱ ኦሱዋ 15:1-6 in Dawro

¹ ኢቲ ኢቲ ኣሳቱ ዪሁዳፔ ኣንፆኪያ ዎꬊዴ፥ «ሙሴ ዎጋዳን፥ ሂንቴ ቃፃሬቴናዋ ጊዶፔ፥ ኣታናው ዳንዳይኪታ» ያጊዴ ኢሻቱዋ ታማሪሱዋ ዶሜዲኖ።

² ጳዉሎሲኔ ባርናባሲ ኡንቱንቱና ዳሪሲ ዋላቄቲዴ ፓሉሜቲና፥ ኣንፆኪያን ዴዒያ ኢቲ ኢቲ ሃራ ኣሳቱ ሄ ፓሉማ ዲራው፥ ጳዉሎሳናኔ ባሪናባሳና ዬሩሳላሜ ቢዴ፥ ዬሱሲ ኪቴዳዋንቱናኔ ጪማቱዋና ጋኬታናው ቆፋይ ቃሼቴዳ።

³ ኣማኒያ ኣሳቱ ኡንቱንታ ኪቲዴ ኦጊያን ማዲሺን፥ ኣዪሁዳ ጊዴናዋንቱ ፆሳኮ ሲሜዳዋ ኦዲዴ፥ ፒንቂያናኔ ሳማሪያና ኣꬌዲኖ፤ ሄዌ ኢሻቱዋ ኡባ ሎይꬂ ናሼቼዳ።

⁴ ኡንቱንቱ ዬሩሳላሜ ጋኬዳ ዎዴ፥ ኣማኒያዋንቱ፥ ዬሱሲ ኪቴዳዋንቱኔ ጪማቱ ኡንቱንታ ሞኬዲኖ፤ ፆሳይ ባሬንቱን ኦꬄዳዋ ኡባ ኦዴዲኖ።

⁵ ሺን ፓሪሳዋቱዋ ባጋፔ ኣማኔዳ ኢቲ ኢቲ ኣሳቱ ዴንዲ ኤቂዴ፥ «ሂንቴንቱ ኡንቱንታ ቃፃራናዉኔ ሙሴ ሂጊያ ናጋና ማላ ኣዛዛናው ቤሴ» ያጌዲኖ።

⁶ ዬሱሲ ኪቴዳዋንቱኔ ጪማቱ ሄዋ ዞሬታናው ሺቄዲኖ።

¹ Itti itti asatuu Yihudaappe Anxxookiyaa wodhdhiide, “Muse wogaadan, hintte qaxxarettennawaa gidooppe, attanaw danddaykkita” yaagiide ishatuwaa tamaarissuwaa doommeeddino.

² Phawuloosinne Barnaabaasi unttunttunna darissi walaqettiide palumettina, Anxxookiyan de7iyaa itti itti hara asatuu he palumaa diraw, Phawuloosannanne Barinabaasanna Yeerusalaame biide, Yesuusi kiitteeddawanttunnanne cimatuwaanna gakettanaw qofay qashetteedda.

³ Ammaniyaa asatuu unttuntta kiittiide ogiyaan maaddishshin, Ayihuda gidennawanttu Xoossaakko simmeeddawaa odiidde, Pinqqiyaannanne Sammaariyaanna aadhdheeddino; hewe ishatuwaa ubbaa loythi nashechcheedda.

⁴ Unttunttu Yeerusalaame gakkeedda wode, ammaniyaawanttu, Yesuusi kiitteeddawanttunne cimatuu unttuntta mokkeeddino; Xoossay barenttun ootheeddawaa ubbaa odeeddino.

⁵ Shin Parisaawatuwaa baggappe ammaneedda itti itti asatuu denddi eqqiide, “Hinttenttu unttuntta qaxxaranawunne Muse higgiyaa naagana mala azazanaw bessee” yaageeddino.

⁶ Yesuusi kiitteeddawanttunne cimatuu hewaa zorettanaw shiiqeeddino.