ዬሱሲ ኪቴዳዋንቱ ኦሱዋ 11:23-29 in Dawro

²³ ባርናባሲ ኣንፆኪያ ቤዳ ዎዴ፥ ፆሳ ኣꬎ ኬካቴꬃ ኦሱዋ ቤዒዴ ናሼቴዳ፤ ኡንቱንቱ ኡባይ ጎዳን ባሬንቱ ኩሜንꬃ ዎዛናፔ ሚኒ ዴዓናዳን፥ ኡንቱንታ ዞሬዳ።

²⁴ ኣዪሲ ጎፔ፥ ባርናባሲ ጌሻ ኣያናይኔ ኣማኑ ኩሜዳ ሎዖ ኣሳ፤ ሄ ጋሱዋን ጮራ ኣሳይ ጎዳኮ ዬዲኖ።

²⁵ ሄዋፔ ጉዪያን፥ ባርናባሲ ሳዖላ ኮያናው ፄርሴሴ ቤዳ።

²⁶ ያቲዴ ሳዖላ ዴሜዳ ዎዴ፥ ኣንፆኪያ ኣሄዳ። ባርናባሲኔ ሳዖሊ ኣማኒያ ኣሳና ኢቲ ላይꬃ ኩሜንꬃ ኡቲዴ፥ ጮራ ኣሳ ታማሪሴዲኖ፤ ካሊያዋንቱ ኣንፆኪያን ኣማኒያ ኣሳ ጌቴቲዴ፥ ኮይሮ ፄሴቴዲኖ።

²⁷ ናባቱ ዬሩሳላሜፔ ኣንፆኪያ ሄ ዎዴ ዎꬌዲኖ።

²⁸ ኡንቱንቱ ጊዶፔ ኣጋቦሳ ጊያዌ ዴንዲዴ፥ ሳዓ ኡባን ዎልቃማ ኮሻይ ዴንዳናዋ ኣያና ዎልቃን ቲምቢቲያ ኦዴዳ፤ ሄዌ ሃኔዳዌ ቃላዉዴዮሳ ካዉቴꬃ ዎዲያና።

²⁹ ካሊያዋንቱ ሁጲያን ሁጲያን ባሬንቱ ዎልቃ ኬና ሚሻ ኬሲዴ፥ ዪሁዳን ዴዒያ ባሬንቱ ኢሻቱዋሲ ማዱዋ ዬዳናው ቆፋ ቃቼዲኖ።

²³ Barnaabaasi Anxxookiyaa beedda wode, Xoossaa aadho keekatethaa oosuwaa be7iide nashetteedda; unttunttu ubbay Godan barenttu kumentha wozanaappe minni de7anaadan, unttuntta zoreedda.

²⁴ Ayissi gooppe, Barnaabaasi Geeshsha Ayyaanaynne ammanuu kumeedda lo77o asaa; he gaasuwan cora asay Godaakko yeeddino.

²⁵ Hewaappe guyyiyan, Barnaabaasi Saa7oola koyyanaw Xersseese beedda.

²⁶ Yaatiide Saa7oola demmeedda wode, Anxxookiyaa aheedda. Barnnaabaasinne Saa7ooli ammaniyaa asaanna itti laythaa kumenthaa uttiide, cora asaa tamaarisseeddino; kaalliyaawanttu Anxxookiyan Ammaniyaa asaa geetettiide, koyro xeesetteeddino.

²⁷ Nabatuu Yeerusalaameppe Anxxookiyaa he wode wodhdheeddino.

²⁸ Unttunttu giddoppe Agaaboosa giyaawe denddiide, sa7aa ubbaan wolqqaama koshay denddanawaa Ayyaanaa wolqqaan timbbitiyaa odeedda; hewe haneeddawe Qalawudeyoosa kawutethaa wodiyaana.

²⁹ Kaalliyaawanttu huuphiyan huuphiyan barenttu wolqqaa keena miishshaa kessiide, Yihudaan de7iyaa barenttu ishatuwaassi maaduwaa yeddanaw qofaa qachcheeddino.