ዬሱሲ ኪቴዳዋንቱ ኦሱዋ 10:36-41 in Dawro

³⁶ ፆሳይ ኣሳ ኡባ ጎዳ፥ ዬሱሲ ኪሪስቶሳ ባጋና፥ ሳሮቴꬃ ኦዲዴ፥ ሃ ዎንጋላ ሚሺራቹዋ ኢስራዔሊያ ኣሳሲ ኪቴዳዋ ሂንቴንቱ ኤሪታ።

³⁷ ዮሃኒሲ ቃላ ኦዴዳ ፂንቃታፔ ጉዪያን፥ ጋሊላፔ ዶሚዴ፥ ዪሁዳ ጋዲያ ኡባን ሃኔዳዋ ሂንቴ ኤሪታ።

³⁸ ፆሳይ ናዚሬቲያ ዬሱሳ ጌሻ ኣያናኒኔ ዎልቃን ኩንꬄዳ፤ ፆሳይ ኣናና ዴዒያ ዲራው፥ ሎዖባ ኢ ኦꬂዲኔ ፃላሂያ ካፑዋሲ ሞዴቴዳ ኡባ ፓꬂዴ ዩዬዳ።

³⁹ «ኣዪሁዳ ጋዲያኒኔ ዬሩሳላሜን ኢ ኦꬄዳ ኡባባሲ ኑኒ ማርካ። ኡንቱንቱ ማስቃሊያ ቦላ ሚሲማሪያን ꬊሺ ካቂዴ፥ ኣ ዎꬌዲኖ።

⁴⁰ ሺን ፆሳይ ሄዜንꬂያ ጋላሳን ሃይቁዋፔ ኣ ዴንꬂዴ ቤሴዳ።

⁴¹ ፆሳይ ኮይሮ ዶሬዳ ማርካቱዋ ኑና፥ ኣ ቤሴዳፔ ኣቲን፥ ኣሳ ኡባ ጊዴና፤ ሃይቁዋፔ ኢ ዴንዴዳዋፔ ጉዪያን፥ ኑኒ ኣናና ሜዶኔ ኡሼዶ።

³⁶ Xoossay asaa ubbaa Godaa, Yesuusi Kiristtoosa bagganna, sarotethaa odiidde, ha wonggalaa mishiraachchuwaa Israa7eeliyaa asaassi kiitteeddawaa hinttenttu eriita.

³⁷ Yohaannisi qaalaa odeedda xinqqataappe guyyiyan, Galiilaappe doommiide, Yihudaa gadiyaa ubbaan haneeddawaa hintte eriita.

³⁸ Xoossay Naazireetiyaa Yesuusa Geeshsha Ayyaanaaninne wolqqaan kuntheedda; Xoossay aananna de7iyaa diraw, lo77obaa I oothiiddinne xalahiyaa kaappuwaassi moodetteedda ubbaa pathiidde yuuyyeedda.

³⁹ “Ayihuda gadiyaaninne Yeerusalaamen I ootheedda ubbabaassi nuuni markka. Unttunttu masqqaliyaa bolla misimaariyan dhishi kaqqiide, A wodheeddino.

⁴⁰ Shin Xoossay heezzenthiyaa gallassan hayquwaappe A denthiide besseedda.

⁴¹ Xoossay koyro dooreedda markkatuwaa nuuna, A besseeddappe attin, asaa ubbaa gidenna; hayquwaappe I denddeeddawaappe guyyiyan, nuuni aananna meeddonne usheeddo.