ሮሜ 7:7-19 in Gofa

⁷ ያቲን፥ ኑኒ ዎይጋኔ? ሂጌይ ባ ሁዔን ናጋሬ? ጊዴና! ሺን ሂጌይ ናጋሪ ኣይቤኮ ታና ኤሪሲስ። ሂጌይ፥ «ኣሞቶፋ» ጎናኮ፥ ኣሞቴꬂ ኣይቤኮ ታኒ ኤሪኬ።

⁸ ሺን ታ ኡባባ ኣሞታና ሜላ ናጋሪ ሂጌ ባጋራ ታናን ኦጌ ዴሚስ። ሂጌይ ባይኔኮ ናጋሪ ሃይቂዳይሳ።

⁹ ካሴ ሂጌይ ባይና ዎዴ ታ ፓፃ፥ ሺን ሂጌይ ኢሜቲዳ ዎዴ ናጋሪ ፓፂን ታ ቃሲ ሃይቃስ።

¹⁰ ታኒ ዴዖን ዳና ሜላ ፆሳይ ኢሚዳ ሂጌይ ታው ሃይቆ ኤሂስ።

¹¹ ናጋሪ ሂጌ ባጋራ ታና ጪሚያ ኦጌ ዴሚዲ፥ ዎꬊስ።

¹² ሄሳ ጊሾ፥ ሂጌይ ጌሺ፤ ኢያን ፃፌቲዳ ኪታይካ ጌሺ፥ ፂሎኔ ሎዖ።

¹³ ያቲን፥ ሎዖ ጊዲዳባይ ታ ቦላ ሃይቆ ኤሂዴዬ? ጊዴና! ሺን ናጋሪ ናጋራ ጊዴይሲ ቆንጫና ሜላ ሎዖባን ማዴቲዲ ታው ሃይቆ ኤሂስ። ሄሳ ጊሾ፥ ናጋራ ናጋራቴꬃይ ሂጌ ባጋራ ኣꬊዲ ኤሬቲስ።

¹⁴ ኑኒ ሂጌይ ኣያናባ ጊዴይሳ ኤሮስ። ሺን ታኒ ናጋራስ ባይዜቲዳ ኣሾ ኣሲ።

¹⁵ ታኒ ኦꬂያባ ኣኬኪኬ፤ ታኒ ዶሲያባ ኦꬃናይሳ ኣጋዳ ታ ኢፂያባ ኦꬃይስ።

¹⁶ ታኒ ኢፂያባ ኦꬂያባ ጊዲኮ፥ ሂጌይ ሎዖ ጊዴይሳ ማዓይስ።

¹⁷ ሄሳ ጊዲኮ፥ ሄ ኦሱዋ ታናን ዴዒያ ናጋራይ ኦꬃይሲፔ ኣቲን ታ ኦꬂኬ።

¹⁸ ታናን፥ ሄሲካ ታ ኣሹዋን ሎዖባይ ባይናይሳ ኤራይስ። ሎዖባ ኦꬂያ ኣሞቴꬂ ታናን ዴዔስ፥ ሺን ሎዖባ ኦꬃናው ዳንዳዒኬ።

¹⁹ ታኒ ኢፂያ ኢታባ ኦꬃይሲፔ ኣቲን ታ ዶሲያ ሎዖባ ኦꬂኬ።

⁷ Yaatin, nuuni woyganee? Higgey ba huu7en nagaree? Gidenna! Shin higgey nagari aybeekko tana erisis. Higgey, “Amottofa” goonnako, amotethi aybeekko taani erikke.

⁸ Shin ta ubbabaa amottana mela nagari higge baggara tanan oge demmis. Higgey bayneekko nagari hayqqidayssa.

⁹ Kase higgey baynna wode ta paxa, shin higgey imettida wode nagari paxin ta qassi hayqqas.

¹⁰ Taani de7on daana mela Xoossay immida higgey taw hayqo ehis.

¹¹ Nagari higge baggara tana cimmiya oge demmidi, wodhdhis.

¹² Hessa gisho, higgey geeshshi; iyan xaafettida kiitaykka geeshshi, xillonne lo77o.

¹³ Yaatin, lo77o gididabay ta bolla hayqo ehideyye? Gidenna! Shin nagari nagara gideyssi qonccana mela lo77oban maaddettidi taw hayqo ehis. Hessa gisho, nagara nagaratethay higge baggara aadhdhidi erettis.

¹⁴ Nuuni higgey ayyaanabaa gideyssa eroos. Shin taani nagaras bayzettida asho asi.

¹⁵ Taani oothiyabaa akeekikke; taani dosiyabaa oothanayssa aggada ta ixxiyabaa oothays.

¹⁶ Taani ixxiyabaa oothiyabaa gidikko, higgey lo77o gideyssa ma77ays.

¹⁷ Hessa gidikko, he oosuwa tanan de7iya nagaray oothaysippe attin ta oothike.

¹⁸ Tanan, hessika ta ashuwan lo77obay baynnayssa erays. Lo77obaa oothiya amotethi tanan de7ees, shin lo77obaa oothanaw dandda7ikke.

¹⁹ Taani ixxiya iitabaa oothaysippe attin ta dosiya lo77obaa oothike.