ሮሜ 7:16-24 in Gofa

¹⁶ ታኒ ኢፂያባ ኦꬂያባ ጊዲኮ፥ ሂጌይ ሎዖ ጊዴይሳ ማዓይስ።

¹⁷ ሄሳ ጊዲኮ፥ ሄ ኦሱዋ ታናን ዴዒያ ናጋራይ ኦꬃይሲፔ ኣቲን ታ ኦꬂኬ።

¹⁸ ታናን፥ ሄሲካ ታ ኣሹዋን ሎዖባይ ባይናይሳ ኤራይስ። ሎዖባ ኦꬂያ ኣሞቴꬂ ታናን ዴዔስ፥ ሺን ሎዖባ ኦꬃናው ዳንዳዒኬ።

¹⁹ ታኒ ኢፂያ ኢታባ ኦꬃይሲፔ ኣቲን ታ ዶሲያ ሎዖባ ኦꬂኬ።

²⁰ ታኒ ኢፂያባ ኦꬂያባ ጊዲኮ፥ ሄሳ ታናን ዴዒያ ናጋራይ ኦꬄሲፔ ኣቲን ኦꬄይ ታና ጊዲኬ።

²¹ ሂዛ፥ ታ ሎዖባ ኦꬃናው ዶሲሺን፥ ኢታባ ኦሶይ ዎጋ ጊዴይሳ ዴማስ።

²² ታኒ ታ ዎዛናን ፆሳ ሂጊያን ኡፋይታይስ።

²³ ሺን ታ ኣሳቴꬃ ጊዶን ዴዒያ ታ ቆፋ ሂጊያራ ኦሌቲያ ዱማ ሂጌ ቤዓይስ። ሄ ሂጌይ ታ ኣሳቴꬃ ጊዶን ኦꬂያ ናጋራ ሂጊያስ ታና ኣይሌ ኦꬂዲ ኢሚስ።

²⁴ ታኒ ዋኒዳ ዪባታ ኣሴ? ሃይቆስ ኤፊያ ሃ ኣሳቴꬃፌ ታና ኣሻናይ ኦኔ?

¹⁶ Taani ixxiyabaa oothiyabaa gidikko, higgey lo77o gideyssa ma77ays.

¹⁷ Hessa gidikko, he oosuwa tanan de7iya nagaray oothaysippe attin ta oothike.

¹⁸ Tanan, hessika ta ashuwan lo77obay baynnayssa erays. Lo77obaa oothiya amotethi tanan de7ees, shin lo77obaa oothanaw dandda7ikke.

¹⁹ Taani ixxiya iitabaa oothaysippe attin ta dosiya lo77obaa oothike.

²⁰ Taani ixxiyabaa oothiyabaa gidikko, hessa tanan de7iya nagaray ootheesippe attin oothey tana gidikke.

²¹ Hiza, ta lo77obaa oothanaw dosishin, iitabaa oosoy woga gideyssa demmas.

²² Taani ta wozanan Xoossaa higgiyan ufayttays.

²³ Shin ta asatethaa giddon de7iya ta qofaa higgiyara olettiya dumma higge be7ays. He higgey ta asatethaa giddon oothiya nagara higgiyas tana aylle oothidi immis.

²⁴ Taani waanida yibbata asee? Hayqos efiya ha asatethaafe tana ashshanay oonee?