ሮሜ 16:3-22 in Gofa

³ ኪሪስቶስ ዬሱሳ ኦሱዋ ታራ ኢሲፌ ኦꬂያ ጲሪስቂላኔ ኣቂላ ሳሮ ጊቴ።

⁴ ኤንቲ ታ ጊሾ ባንታ ሼምፑዋ ኣꬂ ኢሚዶሶና። ታ ፃላላ ጊዶናሺን ኣይሁዴ ጊዶና ኣሳ ዎሳ ኬꬃ ኡባይ ኤንታ ጋላቴስ።

⁵ ኤንታ ሶን ሺቂያ ኣማኒያ ኣሳ ሳሮ ጊቴ። ኢሲያ ቢታን ኪሪስቶሳ ኮይሮ ኣማኒዳ፥ ታ ዶሲያ ኤጳኔፆሳስ ታ ሳሮꬁዋ ኦዲቴ።

⁶ ሂንቴ ጊሾ ኦሶን ዳሮ ዳቡሪዳ ማይራሞ ሳሮ ጊቴ።

⁷ ታራ ቃሾ ኬꬃን ኣꬂዳ ታ ኣይሁዴ ላጌታ ኣንዲሮኒቆሳኔ ዩኒያሳ ሳሮ ጊቴ። ኤንቲ ዬሱሳ ሃዋሬታ ጊዶን ኤሬቲዳይሳታ። ቃሲ ኤንቲ ኪሪስቶሳ ታፔ ሲንꬄ ኣማኒዶሶና።

⁸ ጎዳን ኣማኒያ ታ ሲቆ ላጊያ፥ ኣምጲሊያፆሳ ሳሮ ጊቴ።

⁹ ኪሪስቶሳ ኦሱዋ ኑራ ኢሲፌ ኦꬂያ ኡርባኖሴኔ ታ ዶሲያ ኢስታኩሳ ሳሮ ጊቴ።

¹⁰ ኪሪስቶሳን ኣማንꬂያ ኣይሊያ ኣጴሊሳስ ታ ሳሮꬁዋ ኦዲቴ። ኣርስፆቡሎሳ ሶ ኣሳስ ታ ሳሮꬁዋ ኦዲቴ።

¹¹ ታ ኣይሁዴ ላጊያ ሄሮዲዮና ሳሮ ጊቴ። ናርሲሳኔ ኢያ ሶ ኣሳፔ ኪሪስቶሳ ኣማኒዳይሳታ ሳሮ ጊቴ።

¹² ጎዳ ኦሱዋን ዳቡሪያ ቲሩፋይናኔ ቲሩፎሳ ሳሮ ጊቴ። ቃሲ ጎዳስ ዳሮ ዳቡራዳ ኦꬂያ፥ ታ ዶሲያ ጴርሲሶ ሳሮ ጊቴ።

¹³ ጎዳ ኦሱዋን ዳሮ ኤሬቲዳ ሩፎሳሲኔ ታና ባ ናዓዳ ቤዒያ ኢያ ኣዬስ ታ ሳሮꬁዋ ኦዲቴ።

¹⁴ ኣሲኒኪርቶሳስ፥ ፊሌጎናስ፥ ሄርሜሳስ፥ ፓቲሮባሳሲኔ ኤንታራ ዴዒያ ኣማኒያ ኢሻታ ኡባስ ታ ሳሮꬁዋ ኦዲቴ።

¹⁵ ፊሎሎጉሳ፥ ዩሊያ፥ ኔሪያ፥ ኢያ ሚቺው፥ ኦሉምፖሳኔ ኤንታራ ዴዒያ ኣማኒያ ኣሳ ኡባ ሳሮ ጊቴ።

¹⁶ ጌሻ ዬሬቴꬂ ዬሬቲሼ፥ ኢሶይ ኢሱዋ ሳሮꬂቴ። ኪሪስቶሳ ዎሳ ኬꬃ ኡባይ ሂንቴና ሳሮ ያጎሶና።

¹⁷ ታ ኢሻቶ፥ ሂንቴ ታማሪዳ ቲሚርቲያ ኢፂዲ፥ ሂንቴ ጊዶን ሻኬቴꬂኔ ሜቶ ሜꬊያ ኣሳታፔ ናጌቲቴ። ኤንታፌ ሃኪቴ።

¹⁸ ሄሳ ሜላ ኣሳቲ ባንታው ኦꬆሶናፔ ኣቲን ኑ ጎዳ ኪሪስቶሳስ ኦꬆኮና። ባንታ ማልዒያ ዶናኒኔ ሳጶꬂያ ቃላን ኣይኮ ኤሮና ኣሳ ዎዛና ባሌꬆሶና።

¹⁹ ዎንጌላስ ሂንቴ ኪቴቲዳይሳ ኣሳ ኡባይ ሲዒዳይሲ ታና ኡፋይሴስ። ሺን ሂንቴ ሎዖባ ኤራና ሜላኔ ኢታባፔ ሃካና ሜላ ታ ኮያይስ።

²⁰ ሳሮቴꬃ ፆሳይ ፃላሂያ ሂንቴ ቶሁዋፔ ጋርሳን ጋጪ ዬጋና። ኑ ጎዳ ዬሱስ ኪሪስቶሳ ኣꬎ ኬሃቴꬃይ ሂንቴራ ጊዶ።

²¹ ታራ ኦꬂያ ፂሞቲዮሲ ሂንቴና ሳሮ ያጌስ። ሄሳዳካ፥ ታ ዳቦቲ ሉቂዮሲ፥ ያሶኒኔ ሶስጳፂሮሲ ሂንቴና ሳሮ ያጎሶና።

²² ሃ ዳብዳቢያ ጳዉሎሳስ ፃፊዳ ታኒ፥ ፃርፂዮሲ፥ ሂንቴና ጎዳ ሱንꬃን ሳሮ ያጋይስ።

³ Kiristtoos Yesuusa oosuwa taara issife oothiya Phirisqilanne Aqiila saro giite.

⁴ Entti ta gisho bantta shemppuwa aathi immidosona. Ta xalaala gidonnashin Ayhude gidonna asaa woosa keetha ubbay entta galatees.

⁵ Entta son shiiqiya ammaniyaa asaa saro giite. Iisiya biittan Kiristtoosa koyro ammanida, ta dosiya Ephanexoosas ta sarothuwa odite.

⁶ Hintte gisho ooson daro daaburida Mayraamo saro giite.

⁷ Taara qasho keethan aathida ta Ayhude laggeta Anddironiqoosanne Yuuniyasa saro giite. Entti Yesuusa hawaareta giddon erettidayssata. Qassi entti Kiristtoosa taappe sinthe ammanidosona.

⁸ Godan ammaniyaa ta siiqo laggiya, Amphiliyaxoosa saro giite.

⁹ Kiristtoosa oosuwa nuura issife oothiya Urbbanoosenne ta dosiya Isttakuusa saro giite.

¹⁰ Kiristtoosan ammanthiya aylliya Apheliisas ta sarothuwa odite. Arsxobuloosa soo asaas ta sarothuwa odite.

¹¹ Ta Ayhude laggiya Heroodiyoona saro giite. Narssisanne iya soo asaappe Kiristtoosa ammanidayssata saro giite.

¹² Godaa oosuwan daaburiya Tirufaynanne Tirufoosa saro giite. Qassi Godaas daro daaburada oothiya, ta dosiya Phersiiso saro giite.

¹³ Godaa oosuwan daro erettida Rufoosasinne tana ba na7ada be7iya iya aayes ta sarothuwa odite.

¹⁴ Asinikirttoosas, Filegoonas, Hermmeesas, Patirobaasasinne enttara de7iya ammaniyaa ishata ubbaas ta sarothuwa odite.

¹⁵ Filoloogusa, Yuuliya, Neeriya, iya michchiw, Olumppoosanne enttara de7iya ammaniyaa asa ubbaa saro giite.

¹⁶ Geeshsha yeeretethi yeerettishe, issoy issuwa sarothite. Kiristtoosa woosa keetha ubbay hinttena saro yaagosona.

¹⁷ Ta ishato, hintte tamaarida timirttiya ixxidi, hintte giddon shaaketethinne meto medhdhiya asatappe naagettite. Enttafe haakkite.

¹⁸ Hessa mela asati banttaw oothosonappe attin nu Godaa Kiristtoosas oothokona. Bantta mal77iya doonaninne saphothiya qaalan aykko eronna asaa wozanaa balethoosona.

¹⁹ Wonggelaas hintte kiitettidayssa asa ubbay si7idayssi tana ufayssees. Shin hintte lo77obaa erana melanne iitabaappe haakkana mela ta koyays.

²⁰ Sarotethaa Xoossay Xalahiya hintte tohuwappe garssan gaaci yeggana. Nu Godaa Yesuus Kiristtoosa aadho keehatethay hinttera gido.

²¹ Taara oothiya Ximotiyoosi hinttena saro yaagees. Hessadakka, ta dabboti Luuqiyosi, Yaasoninne Sosphaxiroosi hinttena saro yaagosona.

²² Ha dabddaabbiya Phawuloosas xaafida taani, Xarxiyoosi, hinttena Godaa sunthan saro yaagays.