ሮሚያ 5:15-21 in Dawro

¹⁵ ሺን ፆሳ ኢሞታይ ኣዳማ ናጋራ ኬና ጊዴና ዲራው፥ ኡንቱንቱ ኢቲ ማላ ጊዲኪኖ፤ ኢቲ ቢታኒያ ናጋራ ዲራው፥ ጮራ ኣሳይ ሃይቄዳዌ ቱማ፤ ሺን ፆሳ ኣꬎ ኬካቴꬃይኔ ኣ ኢሞታይ ኢቲ ኣሳ ኣꬎ ኬካቴꬃ ባጋና፥ ዬሱሲ ኪሪስቶሳ ኣꬎ ኬካቴꬃ ባጋና ጮራ ኣሳው ዳሬዳ።

¹⁶ ፆሳ ኢሞታይ ናጋራ ኦꬄዳ ቢታኒያ ባጋና ዬዳዋ ማላ ጊዴና፤ ኣዪሲ ጎፔ፥ ኣዳሚ ኢቲ ናጋራ ኦꬄዳዋፔ ጉዪያን፥ ፆሳይ ኣ ባዪዜዳዋዳን ፒርዴዳ፤ ሺን ኣሳይ ዳሮ ናጋራ ኦꬄዳዋፔ ጉዪያን ፆሳይ፥ «ሂንቴንቱ ባዪዚቤይኪታ» ጊዴ፥ ባሬ ኣꬎ ኬካቴꬃ ኡንቱንታ ቤሴ።

¹⁷ ኣዪሲ ጎፔ፥ ኢቲ ቢታኒያ ናጋራ ጋሱዋን፥ ኣ ናጋራ ባጋና፥ ሃይቁ ካዉቴዳዌ ቱማ፤ ሺን ኢቲ ኡራይ፥ ዬሱሲ ኪሪስቶሲ ኦꬄዳባይ ኣይ ኬና ዳሬ፤ ፆሳ ዳሮ ኣꬎ ኬካቴꬃኔ ፂሎቴꬃ ኢሞታ ኣኪያ ኡባይ ኪሪስቶሳ ባጋና ፆኒዴ ዴዓና።

¹⁸ ሲሚ ኢቲ ኡራይ ናጋራ ኦꬄዳ ጋሱዋን ኣሳ ኡባ ቦላ ባዪዜዳዋዳን ፒርዳይ ዬዳ። ሄዋዳንካ ኢቲ ኡራይ ፂሎባ ኦꬄዳ ጋሱዋን፥ ፆሳይ ኣሳ ኡባ፥ «ባይዚቤይኪታ» ጊዴ ኡንቱንቶ ዴዑዋ ኢሜዳ።

¹⁹ ኣዪሲ ጎፔ፥ ኢቲ ኡራይ ኣዛዜቴናን ኢፄዳ ጋሱዋን፥ ዳሮ ኣሳይ ናጋራንቻ ጊዴዳ፥ ሃዋዳንካ ቃሲ ኢቱ ኤኖ ጌዳዋን ጮራ ኣሳይ ፂላና።

²⁰ ናጋራ ዳሪሳናው፥ ሂጊ ዬዳ፤ ሺን ናጋራይ ዳሪያ ዎዴ ፆሳ ኣꬎ ኬካቴꬃይ ሎይꬂ ዳሬዳ።

²¹ ናጋራይ ሃይቁዋ ዎልቃን ካዉቴዳዋዳን፥ ሃዋዳንካ ቃሲ ፆሳ ኣꬎ ኬካቴꬃይ ፂሎቴꬃ ዎልቃን ካዉቲዴ፥ ኑ ጎዳ ዬሱሲ ኪሪስቶሳ ባጋና፥ ኑና ሜꬊና ዴዖ ካሌꬄ።

¹⁵ Shin Xoossaa imotay Addaama nagaraa keena gidenna diraw, unttunttu itti mala gidikkino; itti bitaniyaa nagaraa diraw, cora asay hayqqeeddawe tuma; shin Xoossaa aadho keekatethaynne A imotay itti asaa aadho keekatethaa bagganna, Yesuusi Kiristtoosa aadho keekatethaa bagganna cora asaw dareedda.

¹⁶ Xoossaa imotay nagaraa ootheedda bitaniyaa bagganna yeeddawaa mala gidenna; ayissi gooppe, Addaami itti nagaraa ootheeddawaappe guyyiyan, Xoossay A bayizzeeddawaadan pirddeedda; shin asay daro nagaraa ootheeddawaappe guyyiyan Xoossay, “Hinttenttu bayizzibeykkita” giide, bare aadho keekatethaa unttuntta bessee.

¹⁷ Ayissi gooppe, itti bitaniyaa nagaraa gaasuwan, A nagaraa bagganna, hayquu kawuteeddawe tuma; shin itti uray, Yesuusi Kiristtoosi ootheeddabay ay keena daree; Xoossaa daro aadho keekatethaanne xillotethaa imotaa akkiya ubbay Kiristtoosa bagganna xooniide de7ana.

¹⁸ Simmi itti uray nagaraa ootheedda gaasuwan asaa ubbaa bolla bayizzeeddawaadan pirdday yeedda. Hewaadankka itti uray xillobaa ootheedda gaasuwan, Xoossay asaa ubbaa, “Bayzzibeykkita” giide unttunttoo de7uwaa immeedda.

¹⁹ Ayissi gooppe, itti uray azazettennan ixxeedda gaasuwan, daro asay nagaranchcha gideedda, hawaadankka qassi ittuu eeno geeddawaan cora asay xillana.

²⁰ Nagaraa darissanaw, higgii yeedda; shin nagaray dariyaa wode Xoossaa aadho keekatethay loythi dareedda.

²¹ Nagaray hayquwaa wolqqaan kawuteeddawaadan, hawaadankka qassi Xoossaa aadho keekatethay xillotethaa wolqqaan kawutiide, nu Godaa Yesuusi Kiristtoosa bagganna, nuuna medhinaa de7oo kaalethee.