ሮሚያ 4:4-14 in Dawro

⁴ ኦꬂያ ኡራይ ኣኪያ ሚሻ ባሬው ቤሲና ኣኬፔ ኣቲን፥ ኣው ጮ ኢሜቲያዋዳን ፓይዴቴና።

⁵ ሺን ኦሱዋ ኦꬄናን፥ ናጋራንቻ ፂሊሲያ ፆሳ ኣማኒያ ኡራ፥ ፆሳይ ኣ ኣማኑዋን ኣ ፂሊሴ።

⁶ ሃዋዳንካ፥ ኣይ ኦሱኔ ባይናን፥ ፆሳይ ፂሉዋዳን ፓይዴዳ ኣሳ ናሼቺያባ ዳዊቴ ሃሳዬዳ ዎዴ ጌዳዌ ሃዋ።

⁷ «ፆሳይ ኡንቱንቱ ባዪዙዋ ኣቶ ጌዳዋንቱኔ ኡንቱንቱ ናጋራ ካሜዳዋንቱ ኣንጄቴዳዋንታ።

⁸ ጎዳይ ኣ ናጋራ ፓይዴና ኣሳይ ኣንጄቴዳዋ» ያጌ።

⁹ ያቲና፥ ሃ ዳዊቴ ሃሳዬዳ ኣንጁ ቃፃሬቴዳ ኣሳ ፃላላሴዬ? ዎይ ቃሲ ቃፃሬቲቤና ኣሳቱዋሴ? ኣዪሲ ጎፔ ኑኒ፥ «ፆሳ ማፃፋይ፥ ‹ኣብራሃሞ ፆሳ ኣማኔዳ፤ ፆሳይ ሄዋ ኣው ፂሎቴꬃን ፓይዴዳ› ያጌ» ጎይቴ።

¹⁰ ያቲና፥ ሃዌ ኣዉዴ ሃኔዴ? ኣብራሃሞ ቃፃሬቲ ሲሚኔዬ? ዎይ ቃፃሬታናፔ ካሴኔ? ቃፃሬታናፔ ካሴናፔ ኣቲን፥ ቃፃሬቲና ጊዴና።

¹¹ ጉዬፔ ኢ ቃፃሬቴዳ፤ ፆሳይ ኣ ኣማኑዋ ዲራው፥ ኢ ቃፃሬታናፔ ካሴ ኣ ፂሎ ኡዴዳዋ ኤሪሳናው፥ ኣ ቃፃራይ ማላ ጊዴዳ። ሄዌካ ቃሲ ቃፃሬቴናን ፆሳ ኣማኒያ ኡባቱዋ ፆሳይ ፂሎ ኦꬂዴ ፓይዳናዳን፥ ኡንቱንቶ ኣብራሃሞ ኣዉዋ ጊዳናሳ።

¹² ኢ ቃፃሬቴዳዋንቶካ ኣዉዋ፤ ጊዶፔካ፥ ኡንቱንቱ ቃፃሬቴዳ ዲራሳ ጊዴና፤ ሺን ኑ ኣዉዋ ኣብራሃሞ ቃፃሬታናፔ ካሴ ኣማኒያ ኣማኑዋ ማላ ካሊያዋንቶካ ኣዉዋ።

¹³ ኣብራሃሞሲኔ ኣ ዜሬꬃው ፆሳይ፥ «ሃ ሳዓ ታኒ ሂንቴንቶ ኢማና» ያጌዳዌ፥ ኣብራሃሞ ፆሳ ኣማኒዴ ፂሌዳ ዲራሳፔ ኣቲን፥ ሂጌው ኢ ኣዛዜቴዳ ዲራሳ ጊዴና።

¹⁴ ኣዪሲ ጎፔ፥ ሂጌው ኣዛዜቲያዋንቱ ፆሳይ ኢማና ጌዳዋ ላቲያዋንታ ጊዶፔ፥ ኣሳ ኣማኑ ማዴናባ ጊዴዳ፤ ፆሳይ ጌዳዌካ ሜላ ጊዴዳ፤

⁴ Oothiyaa uray akkiya miishshaa barew bessina akkeeppe attin, aw coo imettiyaawaadan paydettenna.

⁵ Shin oosuwaa oothennaan, nagaranchchaa xillissiyaa Xoossaa ammaniyaa uraa, Xoossay A ammanuwan A xillissee.

⁶ Hawaadankka, ay oosuunne baynnaan, Xoossay xilluwaadan paydeedda asaa nashechchiyaabaa Daawite haasayeedda wode geeddawe hawaa.

⁷ “Xoossay unttunttu bayizzuwaa atto geeddawanttunne unttunttu nagaraa kammeeddawanttu anjjetteeddawantta.

⁸ Goday A nagaraa paydenna asay anjjetteeddawaa” yaagee.

⁹ Yaatina, ha Daawite hasayeedda anjjuu qaxxaretteedda asaa xalalaasseeyee? Woy qassi qaxxarettibeenna asatuwaassee? Ayissi gooppe nuuni, “Xoossaa Maxaafay, ‘Abraahaamo Xoossaa ammaneedda; Xoossay hewaa aw xillotethaan paydeedda’ yaagee” goytte.

¹⁰ Yaatina, hawe awude haneeddee? Abraahaamo qaxxaretti simmineyee? Woy qaxxarettanaappe kasennee? Qaxxarettanaappe kasennappe attin, qaxxarettina gidenna.

¹¹ Guyyeppe I qaxxaretteedda; Xoossay A ammanuwaa diraw, I qaxxarettanaappe kase A xillo udeeddawaa erissanaw, A qaxxaray malla gideedda. Hewekka qassi qaxxarettennan Xoossaa ammaniyaa ubbatuwaa Xoossay xillo oothiide paydanaadan, unttunttoo Abraahaamo aawuwaa gidanaassa.

¹² I qaxxaretteeddawanttookka aawuwaa; gidooppekka, unttunttu qaxxaretteedda diraassa gidenna; shin nu aawuwaa Abraahaamo qaxxarettanaappe kase ammaniyaa ammanuwaa malaa kaalliyaawanttookka aawuwaa.

¹³ Abraahaamossinne A zerethaw Xoossay, “Ha sa7aa taani hinttenttoo immana” yaageeddawe, Abraahaamo Xoossaa ammaniide xilleedda diraassappe attin, higgew I azazetteedda diraassa gidenna.

¹⁴ Ayissi gooppe, higgew azazettiyaawanttu Xoossay immana geeddawaa laattiyaawantta gidooppe, asaa ammanuu maaddennabaa gideedda; Xoossay geeddawekka mela gideedda;