ሮሚያ 2:13-19 in Dawro

¹³ ኣዪሲ ጎፔ፥ ፆሳ ሲንꬃን ሂጊያ ናጊያዋንቱ ፂሊኖፔ ኣቲን፥ ሂጊያ ሲሲያዋንቱ ፂሊኪኖ።

¹⁴ ኣዪሁዳ ጊዴና ኣሳው ሂጊ ባዋ፤ ሺን ባሬንቱ ቲላ ቆፋን ሂጊ ኣዛዚያዋ ኦꬂኖ፤ ኡንቱንቶ ሂጊ ꬋዮፔካ፥ ኡንቱንቱ ባሬንቱ ሁጴው ሂጌ።

¹⁵ ሂጊ ኣዛዚያዌ ኡንቱንቱ ዎዛና ጊዶን ፃፌቴዳዋ ኡንቱንቱ ሃኖታይ ቤሴ፤ ኢቲ ኢቲ ካላ ኡንቱንቱ ቲላ ቆፋይ ኡንቱንቶ ማርካቲያ ዲራዉኔ ቃሲ ኢቲ ኢቲ ካላ ኡንቱንቱ ቆፋይ ኡንቱንታ ሞቲያ ዲራው፥ ዎይ ቃሲ ኡንቱንቱና ጋዳቲያ ዲራው፥ ሄዌ ቱማ ጊዲያዋ ኤሪሴ።

¹⁶ ታኒ ታማሪሴዳ ሚሺራቹዋ ቃላዳን፥ ኣሳ ዎዛናን ጌሜዳ ቆፋ ፆሳይ ዬሱሲ ኪሪስቶሳ ባጋና ሃዋዳን ፒርዳና።

¹⁷ ሺን ኔኒ ኔና ኣዪሁዳ ጋሳ፤ ሂጊያን ዜምፓዴ ፆሳን ጬቄታሳ።

¹⁸ ኔኒ ኦꬃና ማላ፥ ፆሳይ ኮዪያዌ ኣዬንቶ ኤራ፤ ቃሲ ቱማ ጊዲያዋ ዶራናው ሂጊያፔ ታማራዳ።

¹⁹ ኔኒ ቆቃቱዋ ካሌꬂያዋ፥ ቃሲ ꬉማኒ ዴዒያዋንቶካ ፖዒሲያዋ፥ ኤሬናዋንታ ኤሪሲያዋኔ ናናቱዋ ታማሪሲያዋ ጊዲያዋ ኤራዲ፤ ሂጊያፔ ኔኒ ኩሜንꬃ ኤራቴꬃኔ ቱማቴꬃ ዴሚያዋ ኤራሳ።

¹³ Ayissi gooppe, Xoossaa sinthan higgiyaa naagiyaawanttu xilliinoppe attin, higgiyaa sisiyaawanttu xillikkino.

¹⁴ Ayihuda gidenna asaw higgii baawa; shin barenttu tilla qofaan higgii azaziyaawaa oothiino; unttunttoo higgii dhayooppekka, unttunttu barenttu huuphew higge.

¹⁵ Higgii azaziyaawe unttunttu wozanaa giddon xaafetteeddawaa unttunttu hanotay bessee; itti itti kaalla unttunttu tilla qofay unttunttoo markkattiyaa dirawunne qassi itti itti kaalla unttunttu qofay unttuntta mootiyaa diraw, woy qassi unttunttunna gaaddatiyaa diraw, hewe tuma gidiyaawaa erissee.

¹⁶ Taani tamaarisseedda mishiraachchuwaa qaalaadan, asaa wozanaan geemmeedda qofaa Xoossay Yesuusi Kiristtoosa bagganna hawaadan pirddana.

¹⁷ Shin neeni neena Ayihuda gaasa; higgiyan zemppaade Xoossaan ceeqettaasa.

¹⁸ Neeni oothana mala, Xoossay koyyiyaawe ayentto eraa; qassi tuma gidiyaawaa dooranaw higgiyaappe tamaaraadda.

¹⁹ Neeni qooqatuwaa kaalethiyaawaa, qassi dhumaani de7iyaawanttookka poo7issiyaawaa, erennawantta erissiyaawaanne naanatuwaa tamaarissiyaawaa gidiyaawaa eraaddi; higgiyaappe neeni kumentha eratethaanne tumatethaa demmiyaawaa eraasa.