ማርቆሳ 5:20-36 in Dawro

²⁰ ቢታኒ ቢዴ፥ ታሙ ካታማ ጊያሳን ዩዪዴ፥ ዬሱሲ ባሬው ኣይ ማላ ዎልቃማባ ኦꬄዴንቶ፥ ኦዱዋ ዶሜዳ፤ ኢ ኦዴዳዋ ሲሴዳ ኣሳይ ኡባይ ማላሌቴዳ።

²¹ ዬሱሲ ሲሚዴ፥ ዎንጊሪያን ጌሊዴ፥ ኣባ ፒኔዳዋፔ ጉዪያን፥ ጮራ ኣሳይ ኣባ ማታን ኣኮ ዩዪ ኣꬊዴ ሺቄዲኖ።

²² ያዒሮሳ ጊያዌ፥ ኣዪሁዳ ዎሳ ጎሊያ ካፓቱዋፔ ኢቱ፥ ዬሱሳ ቤዔዳ ዎዴ ኣኮ ዪ ኣ ጌዲያን ኩንዲዴ፥

²³ «ታ ናታ ሃርጋዴ ሃይቃና ሃናው፤ ኢዛ ፓፃዴ ሎዖ ዴዓና ማላ፥ ያዴ ኔ ኩሺያ ኢዚ ቦላ ዎꬃሪኪ» ያጊዴ ዬሱሳ ሚኒሲዴ ዎሴዳ።

²⁴ ዬሱሲ ያዒሮሳና ቤዳ፤ ኢ ቢሺን ጮራ ኣሳይ ኣ ካሊዴ ሜቶꬄዲኖ።

²⁵ ታማኔ ላዑ ላይꬃ ኡባ ኢዚ ቦላፔ ሱꬃይ ጎጊያ ኢቲ ሚሺራታ ዴዓው።

²⁶ ጮራ ኣኪማቱ ኢዞ ኣኪሚሺንካ፥ ኢዛ ፓፃ ካዔታዱ፤ ባሬ ሚሻ ኡባ ዉርሲናካ ኢዚው ሃ ኢቴዳዋፔ ኣቲን፥ ኣይኔ ኢዞ ማዲቤና።

²⁷ ሄ ሚሺራታ ዬሱሳባ ሲሳዴ፥ ኣሳ ጊዶና ዬሱሳፔ ጉዬና ያዴ፥ ኣ ማዩዋ ቦቻዱ።

²⁸ ኣዪሲ ጎፔ ኢዛ፥ «ታኒ ሃራይ ኣቶ፥ ኣ ማዩዋ ቦቾፔካ ፓፃና» ያጋዴ ቆፓዱ።

²⁹ ኢፔ ጎጊያ ሱꬃይ ኤሌካ ኤቂ ኣጌዳ፤ ኢዛ ባሬ ዋዪያፔ ፓፄዳዋ ባሬ ቦላን ኤራ ኣጋዱ።

³⁰ ዬሱሲ ባሬፔ ዎልቃይ ኬሴዳዋ ባሬ ሁጴው ኤሪዴ፥ ኤሌካ ጮራ ኣሳ ጊዶን ጉዬ ሲሚዴ፥ «ታ ማዩዋ ቦቼዳዌ ኦኔ?» ያጌዳ።

³¹ ዬሱሳ ካሊያዋንቱ ኣ፥ «ኣሳይ ኔና ሱጊያ ዎዴ ቤዓዴ፥ ‹ታና ኦኔ ቦቼዳዌ?› ያጋይ?» ጌዲኖ።

³² ዬሱሲ ሄዋ ኦኔ ኦꬄዴንቶኔ ቤዓናው ዩሺ ኣꬂዴ ፄሌዳ፤

³³ ሺን ሚሺራታ ባሬው ሃኔዳዋ ኤራዴ፥ ያሻ ኮኮራዴ ያዴ ዬሱሳ ሲንꬃን ጉፋናዱ፤ ቃሲ ቱማቴꬃን ሃኔዳዋ ኡባ ኣው ኦዳዱ።

³⁴ ዬሱሲ ኢዞ፥ «ታ ናቴ፥ ኔና ኔ ኣማኑ ፓꬄዳ፤ ሳሩዋን ባ፤ ኔ ዋዪያፔኔ ፓፃ» ያጌዳ።

³⁵ ዬሱሲ ቢሮ ሄዋ ጊሺን፥ ኣዪሁዳ ዎሳ ጎሊያ ካፑዋ ሶዪፔ ኪቴቴዳ ኣሳቱ ዪዴ፥ «ኔ ናታ ሃይቃዲጋዱ፤ ሲሚ ታማርሲያዋ ኣዪሲ ዳቡርሳይ?» ያጌዲኖ።

³⁶ ሺን ዬሱሲ ኡንቱንቱ ጊያዋ ሲሲዴ፥ ኣዪሁዳ ዎሳ ጎሊያ ካፑዋ፥ «ኣማኖ ፃላላ ኣማናፔ ኣቲን፥ ያዮፓ» ያጌዳ።

²⁰ Bitani biide, Tammu Katamaa giyaasan yuuyyiide, Yesuusi barew ay mala wolqqaamabaa ootheeddentto, oduwaa doommeedda; I odeeddawaa siseedda asay ubbay maalaletteedda.

²¹ Yesuusi simmiide, wonggiriyaan geliide, abbaa pinneeddawaappe guyyiyan, cora asay abbaa mataan Aakko yuuyyi aadhdhiide shiiqeeddino.

²² Yaa7iroosa giyaawe, Ayihuda woosa golliya kaappatuwaappe ittuu, Yesuusa be7eedda wode aakko yi A gediyaan kunddiide,

²³ “Ta naatta harggaade hayqqana hanaw; iza paxaade lo77o de7ana mala, yaade ne kushiyaa izi bolla wothaarikkii” yaagiide Yesuusa minissiide woosseedda.

²⁴ Yesuusi Yaa7iroosanna beedda; I biishshin cora asay A kaalliidde metootheeddino.

²⁵ Tammanne laa77u laythaa ubbaa izi bollaappe suuthay goggiyaa itti mishiratta de7aw.

²⁶ Cora aakimatuu izo aakimishshinkka, iza paxa kaa7ettaaddu; bare miishshaa ubbaa wurssinakka iziw haa iiteeddawaappe attin, aynne izo maaddibeenna.

²⁷ He mishiratta Yesuusabaa sisaade, asaa giddonna Yesuusappe guyyenna yaade, A mayuwaa bochchaaddu.

²⁸ Ayissi gooppe iza, “Taani haray atto, A mayuwaa bochchooppekka paxana” yaagaade qoppaaddu.

²⁹ Iippe goggiyaa suuthay ellekka eqqi aggeedda; iza bare waayyiyaappe paxeeddawaa bare bollaan eraa aggaaddu.

³⁰ Yesuusi bareppe wolqqay kesseeddawaa bare huuphew eriide, ellekka cora asaa giddon guyye simmiide, “Ta mayuwaa bochcheeddawe oone?” yaageedda.

³¹ Yesuusa kaalliyaawanttu A, “Asay neena sugiyaa wode be7aadde, ‘Taana oone bochcheeddawe?’ yaagay?” geeddino.

³² Yesuusi hewaa oone ootheeddenttonne be7anaw yuushshi aathiide xeelleedda;

³³ shin mishiratta barew haneeddawaa eraade, yashshaa kokkoraadde yaade Yesuusa sinthan guufannaaddu; qassi tumatethaan haneeddawaa ubbaa aw odaaddu.

³⁴ Yesuusi izo, “Ta naattee, neena ne ammanuu patheedda; saruwan ba; ne waayyiyaappenne paxa” yaageedda.

³⁵ Yesuusi biro hewaa giishshin, Ayihuda woosa golliya kaappuwaa soyippe kiitetteedda asatuu yiide, “Ne naatta hayqqadiggaaddu; simmi tamaarssiyaawaa ayissi daaburssay?” yaageeddino.

³⁶ Shin Yesuusi unttunttu giyaawaa sisiide, Ayihuda woosa golliya kaappuwaa, “Ammano xalalaa ammanappe attin, yayyoppa” yaageedda.