38 ዬሱሴኮ ጊንፆ ዛሎ''ና ቶኮ'' ዓጫ ዔቂ፥ ዬኤኪ ዬኤኪ ዒዛኮ ቶኮ''ዋ ፔ ዓቢፆና ማስኪ ፔኤኮ ቶኦኮ'' ጋሞና ዑጫኔ፤ ሃሣ ቶኮ'' ዒዛኮ ሄርቂያ ሄርቂ ሳውቃ ቲዦናኣ ቲሽካኔ።
39 ሙዖ ዒዚ ሙዖም ዔኤሌ'' ፔርሴ ዓሢ ዬያ ዛጌ ዎዶ''ና፦ «ሃይ ዓሢ ፆኦሲ ማሊሢ ኬኤዛ ዓሲ ማዔቴ፥ ሃና ዒዛኮ ዑፆ ፒፃ'' ላኣሌላ ዖና ማዔቶ ሃሣ ዎዚጉዴ ጎሜና ዓኣያ ማዔቴያ ዔሬያናንዳኔ» ጌይ ፔ ዒኖና ማሌኔ።
40 ዬሱሴያ ፔርሴ ዓሢ ኮይላ''፦ «ሲሞኦኔ! ፔቴ'' ታ ኔኤም ኬኤዛ ባኣዚ'' ዓኣኔ» ጌዔኔ። ዒዚ፦ «ዔርዛሢዮ! ሂንዳ ታኣም ኬኤዜ» ጌዔኔ።
41 ዬሱሴያ ሂዚ ጌዒ ሃይሶ ኬኤዚሢ ዓርቄኔ፦ «ፔቴ'' ዓሲዳፓ ሚኢሼ ታልዔ ላምዖ ዓሲ ዓኣኔ፤ ፔቴ''ሢ ዶንጎ ፄኤታ ኬሊ'' ማዾ ማዼም ዒንጊንታ ቢራ፤ ባጋሢ ሃሣ ዶንጊታሚ'' ኬሊ'' ማዾ ማዼም ዒንጊንታንዳ ቢራ ታልዒ ዔኬኔ።
