12 ዬሱሴ ዒዞ ዴንቃዖ ዔኤሊ''፦ «ዔና፥ ኔኤኒ ኔኤኮ ዶርዓስካፓ ፖዔኔ» ዒዞም ጌዒ፥
13 ፔ ኩጮና ዒዞ ዒ ፒፃዛ ቤዞማና ዼ'ግ ጌይ ዔቂ፥ ፆኦሲ ጋላቴኔ።
14 ዬሱሴ ዒዞ ዓይሁዶኮ ሃውሾ ኬሎ''ና ፓሤሢሮ ዓይሁዶ ዓሶኮ ቡኪንቶ ቤዞ ሱኡጋሢ ዻጋዻዖ ዴሮ'' ኮራ፦ «ቃልሾ ኬሎ'' ጋራ ማዾ ማዺንታንዳ ላሆ'' ኬሊ'' ዓኣኔ፤ ዬንሢ ኬሎ''ንሢዳ ሌሊ ሙኪ ሙኪ ፖዑዋቴ፤ ሃውሾ ኬሎ''ና ጋዓንቴ ማዑዋያኬ» ጌዒ ኬኤዜኔ።
15 ዬማና ጎዳ ዬሱሴ ዒዛም፦ «ዒንሢ ሃይ ፔና ጌኤሺ ማሊሳ ዓሳ! ዒንሢ ፔቴ'' ፔቴ''ሢ ሃውሾ ኬሎ''ና ዒንሢኮ ጌማይ ሃሣ ሃሬ ቱኬ'' ቤዛፓ ቡሊ'' ዋኣሢ ዑሻኒ ዔኪ ዓኣዹዋዓዳ?
16 ሃሢ ሃና ዓብራሃሜ ፃጳፓ ማዔ፥ ላኣሌላ ታጶ ሳሊ'' ሌዔ ጉቤ ፃላሄ ቱኬ''ም ሜታዺ ናንጌኔ፤ ዓካሪ ዒዛ ቱኡቲ ሜታዻ ዶርዓሢዳፓ ሃውሾ ኬሎ''ና ቡሊ''ንታኒ ዒዞም ኮይሱዋዓዳ?» ጌዔኔ።
