ሉቃሳ 4:9-15 in Gofa

⁹ ዉርሴꬃን ፃላሄይ ዬሱሳ ዬሩሳላሜ ኤፊዲ ፆሳ ኬꬃስ ሁዒያ ቦላ ኤሲዲ፥ «ኔኒ ፆሳ ናዓ ጊዲኮ ኣኔ ዱጌ ሳዓን ኔና ዬጋ።

¹⁰ ኣይስ ጊኮ፥ ‹ኔና ናጊያ ኪታንቾታ ፆሳይ ኔ ጊሾ ኪታና።

¹¹ ኤንቲ ኔ ቶሆይ ሹቻን ꬉቤቶና ሜላ፥ ባንታ ኩሺያን ꬎቁ ኦꬂዲ ኔና ዴንꬃና› ጌቴቲዲ ፃፌቲስ» ያጊስ።

¹² ዬሱሲ ዛሪዲ፥ «ኔ ጎዳ ፆሳ ፓጮፋ ጌቴቲዲ ፃፌቲስ» ያጊስ።

¹³ ፃላሄይ ዬሱሳ ፓጪያ ዉርሲዳፔ ጉዬ ሃራ ኢንጄ ዎዴ ዴማና ጋካናው ኢያፔ ሻኬቲስ።

¹⁴ ዬሱሲ ኣያና ዎልቃን ኩሚዲ ጋሊላ ሲሚስ። ኢያ ሱንꬃይ ሄራን ዴዒያ ቢታ ኡባን ኬዪስ።

¹⁵ ኢ ኣይሁዴ ዎሳ ኬꬂ ጌሊዲ ታማርሲስ፤ ኣሳ ኡባይ ኢያ ጋላቲዶሶና።

⁹ Wurssethan Xalahey Yesuusa Yerusalaame efidi Xoossa Keethas huu7iya bolla essidi, “Neeni Xoossaa na7a gidikko ane duge sa7an nena yegga.

¹⁰ Ays giikko, ‘Nena naagiya Kiitanchchota Xoossay ne gisho kiittana.

¹¹ Entti ne tohoy shuchchan dhubettonna mela, bantta kushiyan dhoqqu oothidi nena denthana’ geetettidi xaafettis” yaagis.

¹² Yesuusi zaaridi, “Ne Godaa Xoossaa paaccofa geetettidi xaafettis” yaagis.

¹³ Xalahey Yesuusa paaciya wurssidaappe guye hara injje wode demmana gakkanaw iyappe shaakettis.

¹⁴ Yesuusi Ayyaana wolqqan kumidi Galiila simmis. Iya sunthay heeran de7iya biitta ubban keyis.

¹⁵ I Ayhude Woosa Keethi gelidi tamaarssis; asa ubbay iya galatidosona.