ሉቃሳ 16:8-18 in Dawro

⁸ «ሄ ሱንꬃይ ጪንጫቴꬃን ኦꬄዳ ዲራው፥ ኣ ጎዳይ ኣ ጋላቴዳ፤ ኣያው ጎፔ፥ ሃ ኣላሚያ ኣሳይ ባሬንቱዎ ፖዑዋ ኣሳፔ ኣꬌዳ ጪንጫቱዋ።

⁹ «ታኒ ሂንቴንቶ ያጋይ፥ ‹ሃ ኣላሚያ ሻሉ ዉሪያ ዎዴ፥ ሜꬊናው ዉሬና ጎሊያን ሂንቴንታ ሞካና ማላ፥ ሃ ሚሻን ሂንቴንቶ ላጊያ ዴሚቴ።

¹⁰ ላፋ ዬዉዋን ኣማኔቴዳዌ፥ ዎጋባኒካ ኣማኔቴ። ሺን ላፋ ዬዉዋን ኣማኔቲቤናዌ፥ ዎጋባኒካ ኣማኔቴና።

¹¹ ሲሚ ሂንቴንቱ ሃ ኣላሚያ ሻሉዋን ኣማኔቴናዋ ጊዶፔ፥ ቱማቴꬃ ሻሉዋ ሂንቴንቶ ኦኔ ሃዳራ ጊዴ ኢማናዌ?

¹² ሂንቴንቱ ሃራ ኣሳ ሻሉዋን ኣማኔቴናዋ ጊዶፔ፥ ሂንቴንቱ ሚሻ ኦኔ ሂንቴንቶ ኢማናዌ?› ጌዳ።

¹³ «ኢቲ ካላ ላዑ ጎዳቶ ቆማታናው ዳንዳዪያዌ ኣይ ቆማይካ ባዋ፤ ኣያው ጎፔ፥ ኢቱዋ ኢፂዴ፥ ሃራ ዶሴ፤ ዎይ ኢቱዋ ቦንቺዴ፥ ሃራ ካꬌ፤ ፆሳዉኔ ሻሎ ሞዴታናው ዳንዳይኪታ» ያጌዳ።

¹⁴ ሻሉዋ ዶሲያ ፓሪሳዋቱ ሃዋ ኡባ ሲሲዴ፥ ዬሱሳ ቦላ ቂሊጬዲኖ።

¹⁵ ሺን ዬሱሲ ኡንቱንታ፥ «ሂንቴንቱ ኣሳ ሲንꬃን ሂንቴንታ ፂሎ ኣሳ ኦꬂያዋንታ፤ ሺን ፆሳይ ሂንቴንቱ ዎዛና ኤሬ፤ ኣያው ጎፔ፥ ኣሳ ሲንꬃን ቦንቼቴዳዌ ፆሳ ሲንꬃን ቱና ጊዴ።

¹⁶ «ሙሴ ሂጊያኔ ናባቱ ፃፌዳ ማፃፋ ዮሃኒሳ ዎዲያ ጋካናው ኣሳይ ኣዛዜቲዴ ዴዔዲኖ፤ ሄዋፔ ካላ ቃይ ፆሳ ካዉቴꬃይ ኦዴቴዳ፤ ኣሳይ ኡባይ ያ ጌላናው ኬሴቴ።

¹⁷ ሺን ሂጊያፔ ኢቲባይ ኣቲያዋፔ ሳሉኔ ሳዓይ ኣꬊያዌ ማታቴ።

¹⁸ «ባሬ ማቻቶ ቢሊዴ ሃራሮ ኣኪያዌ ኡባይ ዎሹሜ፤ ቃሲ ኣሲናፔ ቢሌቴዳ ማጫዉኖ ኣኪያዌ ኦኒኔካ ዎሹሜ።

⁸ “He sunthay cinccatethaan ootheedda diraw, A goday A galateedda; ayaw gooppe, ha alamiyaa asay barenttuwoo poo7uwaa asaappe aadhdheedda cinccatuwaa.

⁹ “Taani hinttenttoo yaagay, ‘Ha alamiyaa shaluu wuriyaa wode, medhinaw wurenna golliyan hinttentta mokkana mala, ha miishshaan hinttenttoo laggiyaa demmite.

¹⁰ Laafa yewuwaan ammanetteeddawe, woggabaanikka ammanettee. Shin laafa yewuwaan ammanettibeennawe, woggabaanikka ammanettenna.

¹¹ Simmi hinttenttu ha alamiyaa shaluwaan ammanettennawaa gidooppe, tumatethaa shaluwaa hinttenttoo oone hadara giide immanawe?

¹² Hinttenttu hara asaa shaluwaan ammanettennawaa gidooppe, hinttenttu miishshaa oone hinttenttoo immanawe?’ geedda.

¹³ “Itti kaalla laa77u godatoo qoomatanaw danddayiyaawe ay qoomaykka baawa; ayaw gooppe, ittuwaa ixxiide, haraa dosee; woy ittuwaa bonchchiide, haraa kadhee; Xoossawunne shaloo modettanaw danddaykkita” yaageedda.

¹⁴ Shaluwaa dosiyaa Parisaawatuu hawaa ubbaa sisiide, Yesuusa bolla qilliicceeddino.

¹⁵ Shin Yesuusi unttuntta, “Hinttenttu asaa sinthan hinttentta xillo asa oothiyaawantta; shin Xoossay hinttenttu wozanaa eree; ayaw gooppe, asaa sinthan bonchchetteeddawe Xoossaa sinthan tuna gidee.

¹⁶ “Muse higgiyaanne nabatuu xaafeedda maxaafaa Yohaannisa wodiyaa gakkanaw asay azazettiidde de7eeddino; hewaappe kaalla qay Xoossaa kawutethay odetteedda; asay ubbay yaa gelanaw keesettee.

¹⁷ Shin higgiyaappe ittibay attiyaawaappe saluunne sa7ay aadhdhiyaawe matattee.

¹⁸ “Bare machchatto billiide hararo akkiyawe ubbay woshummee; qassi asinaappe biletteedda maccawunno akkiyawe ooninneekka woshummee.