ሃዋሬታ ኦሱዋ 25:3-5 in Gofa

³ ጳዉሎሳ ዬሩሳላሜ ኤሂሺን ኦጌን ቆሴቲዲ ኢያ ዎꬋናው ኤንታው ኢንጄታና ሜላ ባንታና ማዶ ጊዲ ፊስፆሳ ዎሲዶሶና።

⁴ ፊስፆሲ ኤንታኮ፥ «ጳዉሎሲ፥ ቂሳሪያን ቃሾ ኬꬃን ዴዔስ፤ ታኒ ታ ሁዔንካ ኤሌሳዳ ጉዬ ሲማና ሃናይስ።

⁵ ኢ ባሊዳባይ ዴዒኮ ሂንቴ ጊዶን ኣዋቴይሳቲ ታራ ቂሳሪያ ቢዲ ኢያ ሞቶና» ያጊዲ ዛሪስ።

³ Phawuloosa Yerusalaame ehishin ogen qosettidi iya wodhanaw enttaw injjetana mela banttana maaddo gidi Fisxoosa woossidosona.

⁴ Fisxoosi enttako, “Phawuloosi, Qisaariyan qasho keethan de7ees; taani ta huu7enkka ellesada guye simmana hanays.

⁵ I balidabay de7ikko hintte giddon aawateyssati taara Qisaariya bidi iya mootona” yaagidi zaaris.