ሃዋሬታ ኦሱዋ 20:29-36 in Gofa

²⁹ ታኒ ቢዳፔ ጉዬ፥ ዉዲያስ ቃꬌቶና ኢታ ሱꬉሜቲ ሂንቴ ጊዶ ጌላናይሳ ታ ኤራይስ።

³⁰ ኣማኔይሳታ ባንታ ጌዶ ካሌꬃናው ዎርዶ ታማርሲያ ኣሳቲ ሂንቴ ጊዶፌ ዴንዳና።

³¹ ሄሳ ጊሾ፥ ታኒ ሄꬑ ላይꬂ ቃማኔ ጋላስ ኣፉꬃን ሂንቴና ሁዔን ሁዔን ሚንꬄꬂዳይሳ ቆፒሼ ናጌቲቴ።

³² «ሃዒካ ሂንቴና ሚንꬃናዉኔ ጌሻ ኣሳራ ላቲሳናው ዳንዳዒያ ፆሳሲኔ ኢያ ኣꬎ ኬሃቴꬃ ቃላስ ሂንቴና ሃዳራ ኢማይስ።

³³ «ታኒ ኦፔካ ቢራ ዎይኮ ዎርቃ ዎይኮ ኣፊላ ኣሞታቢኬ።

³⁴ ታኒ ታ ኩሼን ኦꬃዳ ታናኔ ታራ ዴዔይሳታ ኮሺዳባ ማዲዳይሳ ሂንቴ፥ ሂንቴ ሁዔን ኤሬታ።

³⁵ ሂንቴ ሃይሳዳ ዳቡሪዲ ኦꬂሼ ዳቡራንቾታ ማዳናይሳኔ ጎዳ ዬሱሲ፥ ‹ኤኬይሳፌ ኢሜይሲ ኣንጄቲዳይሳ› ጊዳ ቃላ ሂንቴ ቆፓናው ቤሴይሳ ታኒ ሂንቴና ኡባባን ቤሳስ» ያጊስ።

³⁶ ጳዉሎሲ ሄሳ ኦዲ ኦንጊዲ ኤንታ ኡባራ ጉልባቲዲ ፆሳ ዎሲስ።

²⁹ Taani bidaappe guye, wudiyas qadhettonna iita suudhumeti hintte giddo gelanayssa ta erays.

³⁰ Ammaneyssata bantta geedo kaalethanaw worddo tamaarssiya asati hintte giddofe denddana.

³¹ Hessa gisho, taani heedzu laythi qammanne gallas afuthan hinttena huu7en huu7en minthethidayssa qoppishe naagettite.

³² “Ha77ika hinttena minthanawunne geeshsha asaara laatisanaw dandda7iya Xoossaasinne iya aadho keehatetha qaalas hinttena hadara immays.

³³ “Taani ooppekka bira woykko worqqa woykko afila amottabiikke.

³⁴ Taani ta kushen oothada tananne taara de7eyssata koshshidabaa maaddidayssa hinttee, hintte huu7en ereeta.

³⁵ Hintte hayssada daaburidi oothishe daaburanchchota maaddanayssanne Godaa Yesuusi, ‘Ekkeyssafe immeyssi anjjettidayssa’ gida qaala hintte qoppanaw besseyssa taani hinttena ubbaban bessas” yaagis.

³⁶ Phawuloosi hessa odi onggidi entta ubbaara gulbbatidi Xoossaa woossis.