1 मोपा पिप सोलोमनम इस्राएल नेल्लेम सासन पवा बाक्त।
2 मेको आ ठेयब गेय पाइब सु सु बाक्मा बाक्त देंशा हना, सादोक आ तौ अजारयाह चढ़ेब बाक्माक्त।
3 शीशा आ तौ एली-होरेफ नु अहीयाह ब्रेक्ब बाक्सा बाक्त। अहीलुद आ तौ येहो-शाफात हिक्शा ब्रेक्शा वोइक्ब मुर बाक्माक्त।
4 येहो-यादा आ तौ बेनायाह लडाइ पाइब आन ठेयब मुर बाक्माक्त। सादोक नु अबीयाथार चढ़ेब बाक्सा बाक्त। १राजा २:३४-३५; २सामुएल २३:२०
5 नाथान आ तौ अजारयाह सासन पाइब आन ठेयब मुर बाक्माक्त। नाथान आ तौ जाबुद चढ़ेब नु पिप आ वारच बाक्माक्त।
