19 परमप्रभु यावे आ अरेशो मटीब आन लां क्येर नाक्दो ङा छिङछिङ खोदेंशो बाक्ब। मेकोपुकीम मारेइमी दाइल पाइक्नीम, दे मतुइक्नीम।
20 आं तौ, आं लोव़ नेनो। इ नोफा दाइश्शा, आं देंशो नेनो।
21 आं लोव़ कली गेना हना यो मिम्तो। मिनु मेको कली इ थुंमी वोतो।
22 मारदे हना सु मेको ताइबा, मेको आ ब्रोंइतीक दुम्ब। मिनु मेको आ रां नेल्ल कली सापाइक्तीक बाक्ब। हितोपदेस ३:८
23 नेल्ल आन क्येङा इ थुं कली कोव़ङो। मारदे हना मेको रे इ ब्रोंइतीक जाक्ब।
24 इ शोव़ कली मरिम्शो लोव़ पचा मगेवो। हेंथे लोव़ इ क्येङा ङोन वोतो।
25 इ मिक्ची मरिक्थु ठीक पा ङोंइती कोव़ङो। सिका मपथु ङोंइती गे कोव़ङो। हितोपदेस १७:२४
26 ठीक लां ला गाक्को। मिनु इ पतीके नेल्ल रिम्शो दुम्नीम।
27 ग्युरा पेरा मलावो। मरिम्शो पतीक नेल्ल रे ङोन बाक्को। यहोसु १:७
