7 साप्पा रूशो कोव़जमी खुदो यो मदाक्ब। तन्न शोव़लु बेक्शो मुर कली मब्रोव़शो जचा थोव़क यो ब्रोव़ब।
8 खिं रे ङोन लशो मुर ग्योव़ रे ङोन बेरशो चिक्ब खोदेंशो बाक्ब।
9 ब्रोव़शो रिना पाइश्शो तेल नु धूपमी मुर आन थुं ग्येरशो सेल्ब। तन्न वारच आ अर्ती मेको क्येङा रिम्शो बाक्ब।
10 इ वारच कली नु इ आफ आ वारच कली मप्रोनो। श्येत जवी ना, इ लोक्ब आ खिं मलावो। मारदे हना ङोन बाक्शो लोक्ब क्येङा नेक्था बाक्ब मुर रिम्शो बाक्ब। हितोपदेस १८:२४
11 आं तौ, जोक्ब तुइक्ब दुमो। मिनु गो ग्येरनुङ। मोपा गो इ पर्बम लोव़ पा आं कली आइक्च सेल्ब आन कली लोव़ लेन्ने चाप्नुङ।
12 निप्स पाइश्शो मुर श्येत जाक्चा चिक्शो तशा, ख्रुंइसीनीम। तन्न मारेइ मजोक्ब मुरुमी मारेइ मतुइक्थु श्येत जाइनीम। हितोपदेस २२:३
13 अर्को रागी ङा मुर आन पर्बम जमानी दुम्शो मुर, आ वा रोइश्शा लतीन। मुर आ पर्बम जमानी बाक्शो आ मारेइ मारेइ नेल्ले लतीन। हितोपदेस २०:१६
14 सुमी सुनी कना बोक्शा, आ नेक्था ङा मुर कली ठेयब सेंदामी आसीक पाइबा। मेको आसीक ताइबमी “सराप पाइक्ती” देंब।
