16 सुमी कोसेली गेबा, मेकोमी ठेयब मुर नु लोव़ पचा यो ताइब। उत्पत्ती ४३:११
17 सुमी जितीकेमी ङोंइती ब्वाक्बा, मेको कली नोले ङा मुर मब्वाक्म सम्म नेल्लेमी ठीक मिम्शा थमा सुइक्नीम।
18 फेन्टे आप्शोनु, जिचा खेचा देक्ब। मिनु ठेयब मुर आन जिचा नाइक्पाइक्ब।
19 थुं खाइक्पाइश्शो लोक्ब कली लेम्चा गारो हिरशो सहर ग्राचा क्येङा श्येत बाक्ब। मुर आन जितीक खेतीके बोल्यो खिं ङा आग्लो खोदेंशो बाक्ब।
20 मुर आन लोव़मी ब्रोंइनीम। मेको आन रिम्शो लोव़ पशोमी जचा ताइनीम। हितोपदेस १२:१४
21 मुर आन लोव़मी बेक्तीक नु ब्रोंइतीक बाक्ब। तेको कली दाक्नीनी, मेको आ ततीक ताइनीनी।
22 सुमी मीश ताइबा, मेको कली रिम्शो दुम्ब। मेको मुर परमप्रभु यावे आ दाक्शो मुर दुम्ब। हितोपदेस १९:१४; हितोपदेस ३१:१०
23 प्रुङग मुरुमी ब्रेम्शो लोव़ पा पुंइनीम। तन्न शुश शोंप पाइश्शो मुरुमी ठेयब लेश्शो लोव़ लेत्नीम।
24 का निक्शी मुरुमी “वारच नङ” देंखु पाइनीम। तन्न आंम लोक्ब क्येङा थमा पा दाक्ब वारच गेना हना यो आ वारच नु काथा बाक्ब। हितोपदेस १७:१७