12 मुरुम शुक्शी पाइब आन कली “मोदेंशो मपावो” दे अरेशो काइ मदाक्नीम। मेकोपुकी जोक्ब तुइक्ब मुर आन नेक्था मलाइनीम।
13 ग्येरशो थुं पाइश्शो मुर आ कुल हाक्सीशो तांइसीब। तन्न सुर्ता पाइब आन थुं लुक्च लाइब।
14 रुप्ब थुं पाइश्शो मुरुमी जोक्तीके माल्ब। तन्न मूर्खमी मूर्खे पचा ला दाक्नीम।
15 श्येत जाइब आन नाक्ती मरिम्शो बाक्नीम। तन्न ग्येरसीशो थुं पाइश्शो मुर आन नाक्ती नेल्ल चाड खोदेंशो बाक्नीम। हितोपदेस १७:२२
16 शुश शोंप नु मेको आ पर्बम श्येत जचा क्येङा इच्का ला शोंप बाक्शा परमप्रभु यावे कली मान पा हिंचा रिम्शो बाक्ब।
17 काइ मदाक्शो मुर नु ब्रोव़शो श्ये खमे जचा क्येङा, दाक्मुशा चूले खमे जशो रिम्शो बाक्ब।
18 शुश गाइक्ब मुरुमी जिचा पोक्ब। तन्न रीब पा मगाइक्ब मुरुमी जितीके तेक्ब।
19 अल्सी आन लां चूम ब्रीशो बाक्ब। तन्न रिम्शो थुं पाइश्शो मुर आन लां थेल्शो बाक्ब।
20 जोक्ब तुइक्ब थुं पाइश्शो तौमी आ आफ कली ग्येरपाइक्ब। तन्न मूर्ख तौमी चहिं आ ममा कली महिक्ब। हितोपदेस १०:१
21 निप्स मपाइश्शो मुर मूर्खे गेय पचा ग्येरसीनीम। तन्न रुप्ब मुर गेना हना यो आंम लांम गाक्नीम।
22 अर्ती मनेंथु गेय पाइब आन गेय शोर गाक्शो बाक्ब। तन्न अर्ती गेब शुश बाक्तेक्म हना, मेको आन गेय रिम्शो दुम्ब। हितोपदेस ११:१४
23 मुरुम ठीक पा लोव़ लेन्ने चाप्तु हना, ग्येरपाइक्ब। माल्ची ना माल्शो लोव़ पचा, गिश रिम्शो बाक्ब।
24 जोक्ब तुइक्ब मुर ब्रोंइचा गेब ग्येत्थ लां लाइब बाक्नीम। मोपा बेक्शो मुर आन बाक्तीक लतीक लुक्च लां मलाइनीम।
25 परमप्रभु यावेमी ठेयब लेश्शो मुर आन खिं प्रेश्शा गेब। तन्न वोंइश बेक्शो मीश मुर आन के रू ङा सांद एर ओंथ दुम्चा मगेब।
26 परमप्रभु यावेमी मरिम्शो मुर आन मिम्शो लोव़ ग्रांग्रा दीब। तन्न रिम्शो मुर आन लोव़ तशा ग्येरसीब।
27 शिंममी आंम खिं ङा मुर आन कली श्येत गेनीम। तन्न घूस मजाइबपुकी ब्रोंइनीम। भजन संग्रह १५:५
28 ठीक पाइब मुरपुकीमी लोव़ लेत्चा क्येङा ङोंइती मिम्नीम। तन्न परमप्रभु यावे आ अरेशो मटीबपुकीम हेंथे लोव़ पाइनीम।
29 परमप्रभु यावे आ अरेशो मटीब आन क्येङा ङोन बाक्ब। तन्न ठीक पाइब आन पुंइशो लोव़ नेंब। हितोपदेस १५:२९; यूहन्ना ९:३१
30 ब्रशो कुलमी थुं कली ग्येरपाइक्ब। रिम्शो लोव़मी रां कली बोल्यो सेल्ब।
31 सुमी रिम्शो अर्ती नेंशा पाइबा, मेको जोक्ब तुइक्ब मुर आन दातेम बाक्ब।
32 सुमी रिम्शो अर्ती नेंशा मपाइबा, मेकोमी आंम कली यो मदाक्ब। तन्न अर्ती नेंबमी आ रुप्तीके बारपाइक्ब।
33 परमप्रभु यावे कली मान पा हिंतीके तुइक्तीक कली शेंसीतीक बाक्ब। मिनु मान तचा क्येङा ङोंइती ब्रेम्शो थुं पाइश्शो दुम्चा माल्ब। हितोपदेस १८:१२; हितोपदेस २२:४
