13 मुर आ कुल रिस्साक्व हना यो, आ थुं खाइश्शो बाक्ने चाप्ब। ग्येरसीशो थुं नोले सुर्ता पाइब बाक्ब।
14 दूली पाइब आन दूली पशो ङा ताइनीम। मिनु रिम्शो पाइबमी आन रिम्शो पशो ङा ताइनीम।
15 मारेइ मजोक्ब मुरुमी मारेइ मारेइ लोव़ थमा सुइक्ब। तन्न निप्स पाइश्शो मुरुमी आन पशो नेल्ल मिम्नीम।
16 जोक्बपुकी होस पा मरिम्शो पतीक रे ङोन लाइनीम। तन्न मूर्ख मारेइ ममिम्थु, होस मपाइब।
17 रीब पा गाइक्ब मुरुमी मूर्खे गेय पाइब। मिनु मुर आन कली दोपा श्येत गेङा, दे मिम्ब। मेको सुइम मदाक्चा पुंइसीब।
18 मारेइ मजोक्ब मूर्खे गेयम ग्योम्सीशो बाक्नीम। तन्न निप्स पाइश्शो मुर जोक्तीके सिरपेच गुप्शो खोदेंशो बाक्नीम।
19 मरिम्शो पाइब मुरपुकी रिम्शो मुर आन ङोंइती बाप्नीम। मिनु परमप्रभु यावे आ अरेशो मटीबपुकी ठीक पाइब आन लाप्चोमी बाप्नीम।
20 आंम नेक्था ङा मुरुमी प्रुङग कली मदाक्नीम। तन्न शोंप पाइश्शो मुर आन के वारच शुश बाक्नीम।
