19 मुर आंम दाक्शो तामेनु, आन थुं कली रिम्शो दुम्ब। तन्न मूर्खमी आन मरिम्शो पतीके रे लेत्चा मदाक्नीम।
20 सु जोक्ब तुइक्ब नु गाक्बा, मेको जोक्ब तुइक्ब दुम्ब। तन्न मूर्ख नु गाक्ब श्येत जाइब।
21 मरिम्शो पाइब आन कली श्येतम खोइक्ब। तन्न ठीक पाइब आ माल्शो मारेइ मारेइ जाक्दीप्ब। हितोपदेस २८:८; अय्युब २७:१३-१७; उपदेसक २:२६
22 रिम्शो मुरुमी आ चच युइ आन कली शोंप हेंशा वोइक्ब। तन्न मरिम्शो पाइब आन शोंप ठीक पाइबपुकीम ताइनीम।
23 प्रुङग आन रूमी शुश अन्न ख्रेल्ब। तन्न ठीक मपाइबमी मेको रोइश्शा लाइक्ब। हितोपदेस २२:१५
24 सुमी आ तौ कली शेंशा मतुप्बा, मेकोमी आ तौ कली मदाक्ब। तन्न सुमी आ तौ कली दाक्बा, मेकोमी आ तौ कली शेंब।
