16 ठीक पाइब मुर आन गेय पतीकेमी ब्रोंइनीम। परमप्रभु यावे आ अरेशो मटीब आन चेम्शो नेल्ल मरिम्शो गेय पा नुप्शा लाइब।
17 सु सुमी अर्ती टीनीमी, मेको ब्रोंइचा गेब लां गाक्नीम। हुइश्शो मनेंब चहिं हेंथे लां गाक्नीम।
18 सुमी मुर काइ मदाक्बा, तन्न “दाक्नुङ” देंबा, मेको मुर जोल्फे बाक्ब। सुम मुर आन पर्बम जोल फ्राइबा, मेको मूर्खे बाक्ब।
19 शुश लोव़ पाइब मुरपुकीमी शुश गल्ती पाइनीम। होस पाइब मुर शुश मब्वाक्नीम।
20 ठीक पाइब मुर आन लोव़ रिम्शो चांदी खोदेंशो बाक्ब। परमप्रभु यावे आ अरेशो मटीब आन थुं शोर गाक्शो बाक्ब।
