12 सुइमी परमप्रभु यावे कली “गे रिम्शो पाइब बाक्नीनी” दे ठेयब सेल्शा चढ़ेप्तु हना, मेकोमी तेलम निशो बोरब ओख्ती मसुप्शो बटुक, बोरब ओख्ती मसुप्शो तेल ख्रेक्शो शोब्ले नु थम रिम्शो फस के सेल्शो तेल वोइश्शो शोब्ले चढ़ेचा माल्नीम। लेवी १९:५-८; लेवी २२:२९-३०
13 मेकोमी “गे रिम्शो पाइब बाक्नीनी” दे ठेयब सेल्शा नु दुशा बाक्चा आ पर्बम चढ़ेशो नु बोरब ओख्ती सुप्शो शोब्ले यो चढ़ेचा माल्ब।
14 मेकोमी चढ़ेशो शोब्ले नेल्ल रे का का पा परमप्रभु यावे कली क्युक्शा चढ़ेचा माल्ब। दुशा बाक्चा आ पर्बम चढ़ेतीके आ हुश तेको चढ़ेबम ब्रुइक्बा, मेको केन दुम्ब।
15 “गे रिम्शो पाइब बाक्नीनी” दे ठेयब सेल्शा नु दुशा बाक्चा आ पर्बम चढ़ेशो श्ये मेको चढ़ेशो नाक्तीन नेक्चा माल्नीम। सुनी सम्म मारेइ हेंचा मदुम्ब।
16 मेको चढ़ेशो कसम जशो आ पर्बम नु ग्येरशा चढ़ेशो बाक्त हना, मेको चढ़ेशो नाक्ती ब्वचा माल्नीम। आ लीशो आ दीसा ब्वचा दुम्ब।