7 ङाएनोन ह्राङ मुबा ग्लारी खबाधोनाला आम्हन्नी। थेतबासेलमा ह्राङसे ङाला नोकर खम्गै भिसी सुङ् जे सुङ्सैनोन थे खम्ला।
8 तिग्दा भिसम ङाएनोन ङाला हाकिमला तहरी चिबा म्हि हिन्ना। ङाला तहरीनोन सिपाहीगदे मुला। ङाइ कोइदा निउ भिमा निमुला, कोइदा खउ भिमा खमुला। ओच्छे ङाला नोकरदा ङाइ चुह्रङ् लउ भिमा थेसे थेह्रङ्नोन लमुला” भिसी भिजी।
9 थेला चुह्रङ्बा ताम थेःसी येशू उदेक तजी, ओच्छे म्हिला हुलपट्टि दोःसी, “एनीगदेसे ङाला ताम ङ्यान्गो, इस्राएल य्हुल्साला म्हिगदे न्हङरीनोन ङाइ चुह्रङ्बा घ्रेन विश्वास मुबा म्हि आस्याप्नी” भिसी सुङ्जी।
10 जमाहेन्से कप्तानसे येशू मुबा ग्लारी पुइबा म्हिगदे दोःसी दिमरी निमा, थे नोकर खम्सी जिन्बा म्राङ्जी।
11 न्हङगरदङ येशू नाइन भिबा शहररी फेप्मा ह्राङला चेलागदेदेन म्हिला हुलएनोन येशूदेन छ्याम निजी।
12 ओच्छे येशू शहररी धोबारीन छ्याइमा सिबा म्हि भबान मुबा। थे सिबा म्हि ह्रेम्बो सिबा म्रिङम्हेमेला गिक जेन झा मुबा। ओच्छे शहरला म्हिगदेएनोन थेदेन छ्याम मुबा।
13 थे म्रिङम्हेमेदा म्राङ्सी प्रभुदा सेमहेन्सेन दया रेःजी। ओच्छे थेदा “ए थाक्रागो” भिसी सुङ्जी।
