38 थे येशूला ग्यापग्याम खसी येशूला ङामरी राप्सी क्राजी, ओच्छे थेला मीख्लीसे येशूला स्य्हाप भम्जी। जमाहेन्से थेसे ह्राङला क्रासे येशूला स्य्हाप फ्यासी च्योक लसी येशूला स्य्हापरी अत्तर फोर्बारी छ्याइजी।
39 चुह्रङ् लबा म्राङ्सी येशूदा ङ्योइबा फरिसीसे “चु म्हि अगमवक्ता हिन्सम थेदा थुर्बा म्रिङम्हेमे खाह्रङ्बा म्रिङम्हेमे भिसी ङोसेसेला मुबा। तिग्दा भिसम चु पापीस्या हिन्ना” भिसी ह्राङला सेम न्हङरी म्हन्जी।
40 थेसे सेमरी चुह्रङ्बा ताम म्हन्बा था याङ्सी येशूसे फरिसीदा “सिमोन ङाइ एदा ताम गिक पाङ्तोःबा मुला” भिसी सुङ्मा, थेसे “सुङ्गो गुरु” भिसी भिजी।
41 “च्यागो, म्हि न्हीसे साहू गिकदेन छ्याम छे किन्बा मुबा गिकसे ग्यार्जा ङा ओच्छे स्य्हान्दोसे बोगल न्हीसे च्युइ टाङगा किन्बा मुबा।