61 ओच्छे प्रभुसे पत्रुसदा स्हीजी। जमाहेन्से “न्हङगर स्य्होरी नागा क्राबा भन्दा ङाच्छा सोमरेमधोना एसे ङादा ङोसेबान आरे भिला” भिसी प्रभुसे सुङ्बा ताम पत्रुससे ढन्जी।
62 जमाहेन्से पत्रुस मङग्यार निसी घ्वाँ घ्वाँ क्राजी।
63 जमाहेन्से येशूदा चुङ्सी भबा म्हिगदेसे येशूदा खिसी लबान तोजी।
64 ओच्छे येशूला मी घप्सी तोबान, “लु, अगमवाणी पाङ्गो, एदा खाल्से तोजी?” भिसी भिजी।
65 ओच्छे थेनीगदेसे येशूदा बङ्बान बेइज्जत लजी।
66 य्हाल तमैछ्याम येशूदा यहूदी गन्बागदे ह्रुप तबा सभारी भोर्जी। थे सभारी परमेश्वरला मन्दिररी पूजा लबा मुल म्हिगदेदेन यहूदी धर्मगुरुगदे मुबा।
67 जमाहेन्से थेनीगदेसे येशूदा “ए थार्बा पिन्बा ख्रीष्ट हिन्ना भिसम ङन्दा पाङ्गो” भिसी भिमा, येशूसे थेनीगदेदा “ङाइ पाङ्सैनोन ह्राङनीसे विश्वास आल।
68 ओच्छे ङाइ तिगै ङ्योइसैनोन ह्राङनीसे जोहाब पिन्बारी आखम।
69 तर दाहेन्से परमेश्वरसे पुइखबा म्हि शक्तिशाली परमेश्वरला दाहिनेपट्टि चिला” भिसी सुङ्जी।
