6 मिनु येसुमी “एको खिं मुल ठेयब नु दारशो सेल्शो ताइतीनी। नोले नेल्ल ब्रेश्शा, फुल्लु का यो ख्रोप्शा मलीब” देंमाक्त। लूका १९:४४
7 मिनु मुरपुकीमी “शेंब, इन देंशो लोव़ गेना दुम्बा? मेको दुम्चशो चिन्ड दोपा तांइसीबा?” दे हिल्लो पामे बाक्त।
8 मिनु येसुमी “सुइमी इन थुं मक्याल्मेक्ल, दे होस पा बाक्कीन। मारदे हना शुश मुरपुकीमी आं नें ब्रशा ‘गो मेको नङ। गो मेको नङ देंतीक नाक्त नेक्था जाक्शो बाक्ब’ दे शेंनीम। मो देंब आन लोव़ थमा मसुइक्थु, आन नोले मखोतीन।
9 लडाइ दुम्शो, जुलुस बोक्शो लोव़ शुश नेंनीनी। मेको लोव़ नेंशा महिनीन। मोदेंशो दुम्चा माल्ब। मिनु इच्का नोले ला रागी नुप्ची नाक्त जाक्ब” देंमाक्त।
10 मिनु लोव़ बोइश्शा “जात जात नु राज्य राज्य लडाइ पाइनीम।
