53 ओच्छे फोख्रेन्बागदेदा परमेश्वरसे सदन ज्यबा ज्यबा स्हे पिन्सी म्रेन्ना लबा मुला। तर फ्युक्पो म्हिगदेदा तिगै आपिन्ना या थान्थान पुइबा मुला।
54 परमेश्वरसे ह्राङसे लबा दया ढन्सी ह्राङदा तेन्बा इस्राएलीगदेदा ह्रो लबा मुला।
55 ओच्छे य्हाङला आखे म्हेमेदा सुङ्बा ह्रङ् अब्राहामदेन थेला सन्तानगदेदा जुकजुकधोनाला लागिरी दया लबा मुला।”
56 मरियम ला सोमधोना एलीशिबादेन छ्यामनोन चिसी ह्राङला दिमरी निजी।
57 ओच्छे एलीशिबासे कोला न्हबा धुइ तसी थेसे झा न्हजी।
58 जमाहेन्से परमप्रभु परमेश्वरसे एलीशिबादा दया लबा मुला भिबा थेःसी थेला ह्राङला म्हिदेन खिम्जेमगदे ल्हानान ताङ्जी।
59 कोला न्हसी भ्रेःरे तमाहेन्से थेनीगदे थे कोलाला खतना लबारी खजी। ओच्छे थेनीगदेसे थे कोलाला मिन थेला आबाला ह्रङ्बान जकरिया थान्बारी छ्याइजी,
60 तर थेला आमासे “आहिन, थेला मिन यूहन्ना थान्तोःला” भिसी भिमा,
61 थेनीगदेसे “थेह्रङ्बा मिन एला ह्राङला म्हि न्हङरी खालैला आरे” भिसी भिजी।
