37 म्हिगदेसे थेदा “नासरतला येशू चुग्यामसेन फेप्बान मुला” भिसी भिजी।
38 जमाहेन्से थेसे क्रिङ्बान, “दाऊद ग्लेला सन्तान येशू, ङादा दया लउ” भिसी भिमा,
39 ङाच्छा भ्रबागदेसे थेदा कुटिसी चिउ भिसी बङ्जी। तर थेसे झन क्रिङ्बान, “दाऊद ग्लेला सन्तान येशू, ङादा दया लउ” भिसी भिजी।
40 थेसे चुह्रङ् भिबा थेःसी येशू थेन तसी थेदा ह्राङ मुबा ग्लारी भपुङ्जी। ओच्छे थे ङामरी खमाहेन्से,
41 “ङाइ एला लागिरी तिग लउ भिसी म्हन्बा मुला?” भिसी ङ्योइजी। जमाहेन्से थेसे “प्रभु, ङाला मी म्राङ्ना लसी पिन्गो” भिसी भिजी।
42 येशूसे थेदा “लु, एसे म्राङ्गै, एसे विश्वास लबासे लमा एसे म्राङ्बा मुला” भिसी सुङ्जी।
43 येशूसे चुह्रङ् सुङ्मैछ्याम थेसे म्राङ्जी। ओच्छे थेसे परमेश्वरदा जयजयकार लबान येशूदेन छ्याम भ्रजी। चु म्राङ्बा म्हिगदेसेनोन परमेश्वरदा जयजयकार लजी।