6 हे़क्क्याङ् खे़ङ्हाॽ खे़प्मो वये़त्छिल्ले़ मरियमरे़ कुसागप्मा ये़म् त्ये़आङ्
7 सादुङ्ङिल्ले़ तरु, हे़क्क्याङ् तुम्बा ये़म्बित्छाॽसाःन् सावाःन्दुआङ् खे़न् अङे़ःक्वाःन् तेःत्तिल्ले़ सुङुआङ् वाघोःङ्ङो ने़स्सु, थेआङ्भे़ल्ले़ खे़ङ्हाॽरे़ चे़याङ्धोःक्को याङ्धोःक्मा मे़घोःसे़त्छुन्लो॥
8 खे़न् ये़म्मो लाःक्कात् चौरिओ कुभा मे़ल्लुक्कम्बाहाॽ खुनिॽ मे़ल्लुक्हाॽ मे़गोःस्सुसिर से़न्दिक् मे़युङे़॥
9 खे़प्मो दाङ्बाल्ले़ कुमाङ्लाइङ्बाधिक् ओसेःन्धाक्सिङ्, हे़क्क्याङ् दाङ्बाल्ले़ कुमिमिदिङ्ङिन् से़न्दाङ्गे़न् ओःत्ति कुइसिःक् खुनिॽ खिरि ले़क्ते़रो॥ खे़ङ्हाॽ साॽरिक् मे़गिसे़,
10 कर माङ्लाइङ्बाल्ले़ खे़ङ्हाॽ मे़त्तुसि, “खिनिॽ मे़गिसे़म्मिन्ने़ॽओ! काक् मनाहाॽ साॽरिक् मे़सःत्ल फाॽआङ् इङ्गाॽ खिनिॽ लागि सुनाइङ् तारुङ्ङाङ् वाॽआरो॥
