ᤗᤢᤁᤠ 18:37-43 in Limbu

³⁷ ᤂᤧᤱᤜᤠ᤹ᤖᤧ ᤂᤧᤴ ᤏᤥᤃᤵ ᤔᤧᤒᤡᤖᤢ. “ᤏᤠᤛᤖᤋᤛ᤻ᤔᤠ ᤕᤧᤛᤢ᤺ᤴ ᤐᤣ᤺ᤰᤗ ᤐᤳᤗᤥ॥”

³⁸ ᤂᤧᤸᤗᤧ ᤀ᤺ᤰᤋᤧᤖ ᤀᤰᤂᤣ ᤐᤠ᤺ᤳᤋᤢ. “ᤍᤠᤀᤢᤍᤖᤧ ᤁᤢᤛ᤻ᤛᤠ᤺ ᤕᤧᤛᤢᤀᤣ. ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤥ॥”

³⁹ ᤜᤧᤰᤁᤣ᤺ᤸᤗᤧ ᤂᤧᤴ ᤗᤠᤶᤗᤥ ᤁᤧᤒᤣ᤺ᤰᤐᤠ ᤔᤏᤠᤜᤠ᤹ᤖᤧ “ᤛᤫᤠ᤺ᤳ ᤕᤢᤅᤧ᤹” ᤔᤧᤔᤧᤳᤋᤢᤖ ᤂᤧᤴ ᤔᤧᤓᤧ᤺ᤰᤋᤢ. ᤁᤖ ᤂᤧᤸᤗᤧ ᤀᤠᤸᤗᤛᤠᤱ ᤛᤠ᤹ᤖᤡᤰ “ᤍᤠᤀᤢᤍᤖᤧ ᤁᤢᤛ᤻ᤛᤠ᤺ᤀᤣ. ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤥ” ᤐᤠ᤺ᤳᤋᤢᤖ ᤀ᤺ᤰᤋᤧ॥

⁴⁰ ᤕᤧᤛᤢ᤺ᤴ ᤂᤧᤵᤔᤥ ᤕᤧᤶᤛᤡᤱᤅᤠᤱ ᤂᤧᤴ ᤆᤠᤃᤧᤏᤠ᤺ᤰᤐᤧᤴ ᤁᤢᤒᤣᤛᤠᤱ ᤔᤧᤍᤠᤖᤢᤏᤡ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢᤛᤡ॥ ᤜᤧᤰᤁᤩᤠᤱ ᤂᤧᤴᤏᤠᤱ ᤕᤧᤛᤢᤖᤧ ᤁᤢᤒᤣᤛᤠᤱ ᤋᤩᤧᤀᤠᤱ

⁴¹ ᤕᤧᤛᤢᤖᤧ ᤂᤧᤴ ᤛᤣ᤺ᤴᤍᤥᤛᤢ. “ᤀᤡᤱᤃᤠ᤹ ᤂᤧᤏᤧ᤹ ᤌᤧᤔᤠ ᤆᤥᤃᤢᤱ ᤐᤡᤏᤧ ᤑᤠ᤹ᤀᤠᤱ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤒᤣ᥅” ᤂᤧᤸᤗᤧ ᤏᤥᤃᤵ ᤐᤡᤖᤢ. “ᤀᤠᤍᤠᤱᤒᤣ. ᤀᤡᤱᤃᤠ᤹ ᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤱᤅᤠᤖ॥”

⁴² ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤂᤧᤏᤧ᤹ ᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤰᤂᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤏᤛᤠ᤺ᤴᤏᤡᤸᤗᤧ ᤁᤧᤏᤢᤛᤧᤀᤠᤱ ᤁᤧᤘᤠ᤹ᤖᤥ॥”

⁴³ ᤂᤡᤔᤥ ᤂᤧᤴ ᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤰᤂᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢᤖ ᤕᤧᤛᤢᤖᤧ ᤁᤢᤀᤣᤃᤠᤱ ᤌᤠᤛᤡᤱᤗᤥ॥ ᤔᤏᤠᤜᤠ᤹ᤖᤧᤀᤠᤱ ᤂᤧᤴ ᤔᤧᤏᤡ᤺ᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢᤖᤥ॥

³⁷ खे़ङ्‌हाॽरे़ खे़न् नोगप् मे़बिरु, “नासरतस्‍मा ये़सुःन् पेःक्‍ल पत्‍लो॥”

³⁸ खे़ल्‍ले़ अःक्‍ते़र अक्‍खे पाःत्तु, “दाउदरे़ कुस्‍साः ये़सुए, इङ्‌गाॽ लुङ्‌माॽ तुक्‍ताङ्‌ङे़ॽओ॥”

³⁹ हे़क्‍केःल्‍ले़ खे़न् लाम्‍लो के़बेःक्‍पा मनाहाॽरे़ “स्‍वाःत्‌युङे़ॽ” मे़मे़त्तुर खे़न् मे़भे़ःक्‍तु, कर खे़ल्‍ले़ आल्‍लसाङ् साॽरिक् “दाउदरे़ कुस्‍साःए, इङ्‌गाॽ लुङ्‌माॽ तुक्‍ताङ्‌ङे़ॽओ” पाःत्तुर अःक्‍ते़॥

⁴⁰ ये़सुःन् खे़प्‍मो ये़म्‍सिङ्‌ङाङ् खे़न् चागे़नाःक्‍पे़न् कुबेसाङ् मे़दारुनि फाॽआङ् इङ्‌जाःङ् पिरुसि॥ हे़क्‍क्‍याङ् खे़न्‍नाङ् ये़सुरे़ कुबेसाङ् त्‍ये़आङ्‌

⁴¹ ये़सुरे़ खे़न् सेःन्‍दोसु, “इङ्‌गाॽ खे़ने़ॽ थे़मा चोगुङ् पिने़ फाॽआङ् निङ्‌वाॽ के़इःत्तुबे?” खे़ल्‍ले़ नोगप् पिरु, “आदाङ्‌बे, इङ्‌गाॽ निःमा के़सुक्‍पा पोःङ्‌ङार॥”

⁴² ये़सुरे़ खे़न् मे़त्तु, “खे़ने़ॽ निःमा के़सुक्‍पा पोःक्‍खे़ॽओ, थेआङ्‌भे़ल्‍ले़ खे़ने़ॽ के़नसाःन्‍निल्‍ले़ के़नुसे़आङ् के़वाॽरो॥”

⁴³ खिमो खे़न् निःमा के़सुक्‍पा पोःक्‍खे़आङ् निङ्‌वाॽफुमाङ्‌ङिन् नोगे़न् पिरुर ये़सुरे़ कुएगाङ् थासिङ्‌लो॥ मनाहाॽरे़आङ् खे़न् मे़निःसुआङ् निङ्‌वाॽफुमाङ्‌ङिल्‍ले़ कुनारा मे़भोःसुरो॥