21 मुल दोपा मिक्च ताइब दुम्मे, गो मतुइक्नस्कु। सुम ताइब सेला, मेको यो मतुइक्नस्कु। आ कली हिल्लो पने। आल ममाइ, आंमान देंने चाप्ब” देंताक्स।
22 आ आम आफोमी यहूदी आन क्येङा हिंशा मो देंताक्स। मारदे हिंसा देंशा हना, यहूदीपुकीमी “सुम सापाइक्ब कली ख्रीस्त दे थमा सुइक्बा, मेको कली यहूदी आन ग्रुम्तीक खिं रे तिल्चा” दे सल्ला पशो बाक्तेक्म। यूहन्ना ७:१३; यूहन्ना १२:४२
23 मोपतीके “आल ममाइ। आ कली हिल्लो पने” देंशो बाक्ताक्स।
24 मिनु मिक्च ताइब दुम्शो कली लेंशा ब्रेश्शा “परमप्रभु यावे कली मान पावो। इ कली मिक्च तपाइक्ब पापी बाक्माक्त, दे तुइक्नीकी” देंतेक्म।
