50 ङाइ ङादा मान लगै भिसी म्हन्बा आहिन, तर ङादा मान लबादेन ङाला लागिरी निसाफ लसी पिन्बा म्हि स्य्हान्दोन मुला।
51 थेतबासेलमा च्यागो, एनीगदेसे ङाला ताम ङ्यान्गो, चुदे खालै म्हिसे ङाला ताम ङ्यान्जी भिसम थे खाइमै आसि।”
52 यहूदीगदेसे येशूदा चुह्रङ् भिसी भिजी, “एदा म्हङसे स्याप्बान हिन्ना भिसी दाहेन्से ङन्दा पक्का था तजी। तिग्दा भिसम अब्राहामदेन अगमवक्तागदे सिजी, तर एसे चा ‘खालै म्हिसे ङाइ पाङ्बा ताम ङ्यान्जी भिसम थे खाइमै आसि’ भिसी भिमुला।
53 तिग ए ङन्ना म्हेमे अब्राहाम भन्दा घ्रेन हिन्ना? थे सिजी, ओच्छे अगमवक्तागदेएनोन सिजी। एसे चा ह्राङदा खाल भिसी म्हन्बा?”
