48 यहूदी नेतागदेसे येशूदा “ङन्से पाङ्बा ताम ठीक हिन्ना। ए सामरी य्हुलला हिन्ना, एदा म्हङसे स्याप्बा मुला” भिसी भिजी।
49 येशूसे थेनीगदेदा चुह्रङ् भिसी सुङ्जी, “ङादा म्हङसे स्याप्बा आरे। ङाइ ङाला आबादा मान लबा मुला, तर एनीगदेसे ङादा पेःना लमुला।
50 ङाइ ङादा मान लगै भिसी म्हन्बा आहिन, तर ङादा मान लबादेन ङाला लागिरी निसाफ लसी पिन्बा म्हि स्य्हान्दोन मुला।
51 थेतबासेलमा च्यागो, एनीगदेसे ङाला ताम ङ्यान्गो, चुदे खालै म्हिसे ङाला ताम ङ्यान्जी भिसम थे खाइमै आसि।”
52 यहूदीगदेसे येशूदा चुह्रङ् भिसी भिजी, “एदा म्हङसे स्याप्बान हिन्ना भिसी दाहेन्से ङन्दा पक्का था तजी। तिग्दा भिसम अब्राहामदेन अगमवक्तागदे सिजी, तर एसे चा ‘खालै म्हिसे ङाइ पाङ्बा ताम ङ्यान्जी भिसम थे खाइमै आसि’ भिसी भिमुला।
