31 येशूसे ह्राङदा विश्वास लबा यहूदीगदेदा चुह्रङ् भिसी सुङ्जी, “एनीगदे ङाइ लोप्बा अन्छार भ्रजी भिसम एनीगदे ङाला पक्का चेला दोला।
32 ओच्छे सत्य तिग हिन्ना भिसी एनीगदेसे था याङ्ला, थेनोन सत्यसे एनीगदे खालैला तहरी चिआतोः।”
33 थेनीगदेसे येशूदा “ङनी अब्राहामला सन्तान हिन्ना, दान्देधोना ङनी खालैला नोकर दोबा आरे। ह्राङसे ङन्दा स्य्हान्दोला तहग्याम फेला भिसी सुङ्बाला अर्थ चा तिग हिन्ना?” भिसी भिजी।
