24 थेरी येशूदेन छ्याम चेलागदे आरेबा था याङ्सी थेनीगदे दोँगागदेरी क्रेःसी येशूदा म्हाइबान कफर्नहुम शहररी निजी।
25 थेनीगदेसे येशूदा समुन्द्रला क्याम्सङपट्टि स्याप्माहेन्से “गुरु, ह्राङ चुरी खाइमा फेप्खजी?” भिसी ङ्योइजी।
26 जमाहेन्से येशूसे थेनीगदेदा चुह्रङ् भिसी सुङ्जी, “एनीगदेसे ङाला ताम ङ्यान्गो, ङाइ लबा उदेकला गे म्राङ्सी आहिन, तर म्रेन्ना गेङ चम्याङ्बासे लमान एनीगदेसे ङादा म्हाइबा हिन्ना।
27 च्यागो, नाश तसी निबा चबा स्हेला लागिरी जे दुख लसी गे थालउ, तर जुकजुकधोना चिबा चबा स्हेला लागिरी दुख लसी गे लउ। चु चबा स्हे एनीगदेदा परमेश्वरसे पुइखबा म्हिसे पिन्ना। तिग्दा भिसम चु गे लबाला लागिरीन परमेश्वर आबासे थेदा धम्बा मुला।”
28 जमाहेन्से थेनीगदेसे येशूदा “थेह्रङ् भिसम परमेश्वरसे म्हन्बा अन्छारला गे लबाला लागिरी ङन्से तिग लतोःला?” भिसी ङ्योइमा,
