3 मिनु अङगुर शांबु नुम्मेनु, येसु आ ममामी येसु कली “अङगुर शांबु नुप्त” देंत।
4 मिनु येसुमी आ ममा कली “गो मार पचा माल्नुङा, आं कली मदेनीन। मुल सम्म आं पची मजा” दे माइक्तु।
5 मिनु आ ममामी गेय पाइब आन कली “एकोमी मार देंमे, मोदेंशो पने” दे माइक्तीमी।
6 मिनु मेकेर फुल्लु के मुशो ६ ओटा गर वोइश्शो बाक्तेक्म। यहूदी आन रिती थितीमी मुर आन कली चिक्चा, दे वोइश्शो बाक्तेक्म। मेको गर कामी २, ३ ठेयब पुक्तीक खोदेंशो ब्वाक्कु रिक्ब। मेत्रेतस माइश्शो ठेयब पुक्तीक का ३९ लिटर खोदेंशो बाक्ब।मर्कूस ७:३-४
7 मिनु येसुमी गेय पाइब आन कली “गर नेल्ल ब्वाक्कुमी प्रिंदीन” देंत। मिनु मेकोपुकीमी गर नेल्ल ब्वाक्कुमी प्रिंताक्म।
8 मिनु “जचा योक्ब आन ठेयब मुर कली एको थाम्चा गेने” दे माइक्तीमी। मिनु मेकोपुकीमी आ देंशो खोदेंशो पाम्तेक्म।