13 मिनु मेको निक्शीमी मरीयम कली “गे मारदे ङाक्नेवे?” दे हिल्लो पाम्से बाक्त। मिनु मरीयममी “मेकोपुकीमी आं प्रभु कली लदमे बाक्त। मिनु ते वोदमे मतुइक्नुङ” दे माइक्सी बाक्त।
14 मो देंशा मरीयममी फिर लेश्शा कोव़ङानु, येसु कली राप्शा बाक्शो तवा बाक्त। मेको येसु बाक्ब, दे मतुइक्ता बाक्त।
15 मिनु येसुमी “गे मारदे ङाक्नेवे? सु कली मली?” दे हिल्लो पवा बाक्त। मरीयममी “मेको फल फुल रूमी गेय पाइब मुर बाक्माक्त” दाप्शा, मेको कली “हजुर, गे मेको बेक्शो रां कली एक रे लाइक्तीनी हना, ते वोइक्नी, आं कली देनीने। गो मेको कली लाइक्नुङ” दे मदा बाक्त।