9 “ङाइ थेनीगदेलान लागिरी प्रार्थना लबान मुला, जम्बुलिङला म्हिगदेला लागिरी चा आहिन। तर ह्राङसे पिन्बा म्हिगदेलान लागिरी प्रार्थना लबान मुला, तिग्दा भिसम थेनीगदे ह्राङलान हिन्ना।
10 ङादेन छ्याम मुबा जम्मान ह्राङला हिन्ना, ह्राङदेन छ्याम मुबा जम्मान ङाला हिन्ना। ओच्छे थेनीगदेग्याम ङाला मानदेन जयजयकार तबा मुला।
11 “दाहेन्से ङा ह्राङ मुबा ग्लारी खबान मुला। ल्हानान धिनधोना ङा चु जम्बुलिङरी आचि, तर चुगदे मी चु जम्बुलिङरीन चिला। थेतबासेलमा ङाला आबा परमप्रभु परमेश्वर, ह्राङदेन ङा गिक तबा ह्रङ् लसी चुगदेएनोन गिक तबाला लागिरी ह्राङसे ङादा पिन्बा ह्राङला मिनग्याम थेनीगदेदा जोगब लसी थान्गो।
12 ङा थेनीगदेदेन छ्याम मुबा धुइरी ह्राङसे ङादा पिन्बा ह्राङला मिनग्याम ङाइ थेनीगदेदा जोगब लसी थान्जी। नाश ततोःबा म्हि बाहेक स्य्हान्दो खालैदान ङाइ नाश तआपुङ्नी। तिग्दा भिसम परमेश्वरला बचनरी भ्रिबा ताम पूरा तबाला लागिरीन चुह्रङ् तबा हिन्ना।
