42 गे आं देंशो गेना हना यो नेंनीनी, दे तुइक्नुङ। मिनु आं एर ओंथ बाक्शो मुरपुकीमी गेमी आं कली सोइश्शो ननी, दे थमा सुइक्पाइक्चा कली एको लोव़ पाता” देंत। यूहन्ना १२:३०
43 मिनु मो देंशा, ठेयब सेंदा पा येसुमी “ए, लाजरस, ग्रूङो” दे ब्रेत्ताक्व।
44 मिनु मेको ङोंइती बेक्शो मुर येसु आ ब्रेश्शो नेंशा, आ गुइ खोइल आ रां नेल्ल वामी गिल्सीशा ग्रूत। आ कुल यो रुमालमी फ्रेंशो तशा, येसुमी “गिल्शो वासी प्रुइश्शा, लचा गेने” दे मुर आन कली माइक्तीमी।
45 मरीयम कली लेम्थ जाक्शो शुश यहूदीमी मो दुम्शो तशा, येसु कली थमा सुइक्तेक्म।
46 का निक्शी चहिं फरिसी आन कली ग्रुम्थ लशा, येसु आ पशो शोव़ङमे बाक्त।
47 मो दुम्शा ठेयब चढ़ेब नु फरिसीपुकी बुक्शा “मुल मार पय? मारदे हना मेको मुरुमी शुश छक लाक्चा ङा गेय पाइबाक्त। मत्ती २६:३-४
48 मेको कली मो पचा गेतय हना, नेल्लेमी मेको कली थमा सुइक्नीम। मिनु रोमीपुकीमी परमप्रभु यावे आ खिं नु इस्राएल रागी निम्फा खतम सेल्नीम” दे लोव़ पामे बाक्त।
49 मेकोपुकी नु काइयाफास माइश्शो मुर का बाक्माक्त। मेको बर्स ङा नेल्ल क्येङा ठेयब चढ़ेब बाक्माक्त।
