18 आबाङे युक्कोलाम्के़बाःप्पाहाॽरे़ग आबाङे मिङ्सो इङ्धाःङ् मे़गोःत्तुॽरो, कर आत्तिल्ले़ खुने़ॽ के़बाङ्बान् मिङ्सो इङ्धाःङ् पिमा निङ्वाॽ चोगुॽ, खे़ल्ले़ से़क्खा पाःन् पाःत्तुॽरो॥ हे़क्क्याङ् खुने़ॽओ थेआङ् इङ्ले़क्पा पाःन् होःप्लो॥
19 मोसारे़ खिनिॽ साम्योथिम् के़बिरि, कर खिनिॽ आत्तिन्हाॽरे़आङ् के़न्इःत्तुम्मिन् के़न्नाःत्तुम्मिन्॥ हे़क्केःल्ले़ थेआङ् खिनिॽ याप्मि से़प्मा के़गोःत्तिबाबे?”
20 खे़न् मनाहाॽरे़ खुने़ॽ नोगप् मे़बिरु, “खे़ने़ॽग फे़न्साम्मिल्ले़ के़याङ्घे़आङ् के़वाॽरो! हाःत्ले़ खे़ने़ॽ से़प्मा के़गोःत्ते़बे?”