ᤕᤢᤜᤢᤴᤏᤠ 5:12-17 in Limbu

¹² ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤀᤠᤳᤋᤡᤴ ᤔᤏᤠ᤺ᤸᤗᤧ “ᤂᤧᤏᤧ᤹ ᤁᤧᤏᤧᤳᤏᤠ᤺ᤴ ᤕᤠᤱᤛᤡᤱᤅᤧ᤹ᤀᤠᤱ ᤌᤠᤛᤡᤱᤅᤧ᤹” ᤁᤧᤔᤧᤳᤋᤧ ᤗ᤹ᤖᤡᤰ ᤂᤧᤴ ᤛᤣ᤺ᤴᤔᤧᤍᤥᤛᤢ॥

¹³ ᤂᤧᤴ ᤔᤏᤠ᤺ᤸᤗᤧ ᤂᤢᤏᤧ᤹ ᤁᤧᤘᤣ᤺ᤶᤒᤠᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤴᤗᤥ. ᤌᤣᤀᤠᤱᤓᤧᤸᤗᤧ ᤂᤧᤵᤔᤥᤒᤠ ᤔᤏᤠᤗᤢᤶᤔᤥ ᤕᤧᤛᤢ᤺ᤴ ᤀᤡ᤺ᤶᤛᤡᤱ ᤐᤣᤀᤠᤱ ᤜᤥ᤺ᤵᤋᤧᤖᤥ॥

¹⁴ ᤕᤠᤱᤛᤡ ᤕᤧᤛᤢᤖᤧ ᤂᤧᤴ ᤔᤏᤠ᤺ᤴ ᤔᤠᤱᤜᤡᤶᤔᤥ ᤋᤢᤔᤢᤀᤠᤱ ᤔᤧᤳᤋᤢ. “ᤀᤥᤔᤧᤳᤋᤧ᤹. ᤂᤧᤏᤧ᤹ ᤁᤧᤏᤢᤖᤧᤀᤠᤱ ᤁᤧᤘᤠ᤹ᤖᤥ॥ ᤀᤠᤸᤗᤀᤠᤱᤎᤥ ᤗᤠᤕᤥ ᤔᤧᤈᤥᤃᤧᤴᤏᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤁᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤂᤧᤏᤧ᤹ ᤁᤧᤍᤢᤔᤢ᤹ᤖᤥ॥”

¹⁵ ᤂᤧᤴ ᤔᤏᤠ᤺ᤴ ᤐᤣᤀᤠᤱ ᤀᤡᤱᤃᤠ᤹ ᤁᤧᤘᤣ᤺ᤶᤒᤠᤱᤃ ᤕᤧᤛᤢ᤺ᤴᤏᤣᤖᤧᤳᤇ ᤑᤠ᤹ᤀᤠᤱ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ ᤔᤧᤳᤋᤢᤛᤡᤖᤥ॥

¹⁶ ᤜᤧᤰᤁᤣ᤺ᤸᤗᤧ ᤕᤜᤢᤍᤡᤜᤠ᤹ᤖᤧ ᤏᤠ᤺ᤶᤛᤡᤱ ᤕᤧᤴᤏᤡᤸᤗᤧᤴ ᤛᤠᤶᤕᤥᤌᤡᤶᤔᤡᤴ ᤑᤣ᤺ᤴᤍᤢ ᤑᤠ᤹ᤀᤠᤱ ᤕᤧᤛᤢ᤺ᤴ ᤛᤠ᤹ᤖᤡᤰ ᤋᤢᤰᤂᤣ ᤆᤠ᤺ᤵᤔᤠ ᤔᤧᤜᤣ᤺ᤰᤋᤢᤖᤥ॥

¹⁷ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤠᤶᤒᤠᤖᤧᤀᤣ ᤀᤠᤸᤗᤥ ᤌᤠᤖᤡᤰ ᤕᤠ᤺ᤶᤒᤰ ᤆᤥᤃᤢᤖ ᤘᤠ᤹. ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ᤀᤠᤱ ᤆᤥᤃᤢᤱᤗᤥ॥”

¹² खे़ल्‍ले़ चोगुल्‍ले़ खे़ङ्‌हाॽरे़ आत्तिन् मनाःल्‍ले़ “खे़ने़ॽ के़ने़त्‍नाःन् याङ्‌सिङ्‌ङे़ॽआङ् थासिङ्‌ङे़ॽ” के़मे़त्ते़ लॽरिक् खे़न् सेःन्‍मे़दोसु॥

¹³ खे़न् मनाःल्‍ले़ खुने़ॽ के़वेःम्‍बान् कुसिङ् मे़निःत्तुन्‍लो, थेआङ्‌भे़ल्‍ले़ खे़प्‍मोबा मनालुम्‍मो ये़सुःन् इःम्‍सिङ् पेआङ् होःप्‍ते़रो॥

¹⁴ याङ्‌सि ये़सुरे़ खे़न् मनाःन् माङ्‌हिम्‍मो तुमुआङ् मे़त्तु, “ओमे़त्ते़ॽ, खे़ने़ॽ के़नुरे़आङ् के़वाॽरो॥ आल्‍लआङ्‌धो लायो मे़जोगे़न्‍ने़ॽओ, मे़ःन्‍ने़ फाॽग्र कन्‍नुःल्‍ले़आङ् यरिक् ताप्‍फे़ःम्‍बा पाःन्‍हाॽ खे़ने़ॽ के़दुमुॽरो॥”

¹⁵ खे़न् मनाःन् पेआङ् इङ्‌गाॽ के़वेःम्‍बाङ्‌ग ये़सुःन्‍नेरे़त्‍छ फाॽआङ् यहुदि लाम्‍लोःबाहाॽ मे़त्तुसिरो॥

¹⁶ हे़क्‍केःल्‍ले़ यहुदिहाॽरे़ नाःम्‍सिङ्‌ये़न्‍निल्‍ले़न् साम्‌योथिम्‍मिन् फेःन्‍दु फाॽआङ् ये़सुःन् साॽरिक् तुक्‍खे चाःप्‍मा मे़हेःक्‍तुरो॥

¹⁷ ये़सुरे़ खे़ङ्‌हाॽ मे़त्तुसि, “इङ्‌गाॽ आम्‍बारे़ए आल्‍लो थारिक् याःम्‍बक् चोगुर वाॽ, हे़क्‍केःल्‍ले़ इङ्‌गाॽआङ् चोगुङ्‌लो॥”