ᤕᤢᤜᤢᤴᤏᤠ 19:21-27 in Limbu

²¹ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤐᤡᤗᤠᤋᤛᤧᤴ ᤀᤰᤂᤣ ᤔᤧᤔᤧᤳᤋᤢᤖ ᤔᤧᤀᤳᤋᤢᤖᤥ. “ᤂᤧᤴ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤜᤠᤱ ᤗ᤹ᤖᤡᤰ ᤔᤧᤛᤠᤵᤋᤧᤴᤏᤧ᤹ᤀᤥ. ᤁᤖ ᤁᤴ ᤔᤏᤠ᤺ᤸᤗᤧ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤜᤠᤱᤀᤠ ᤗ᤹ᤖᤡᤰ ᤐᤠ᤺ᤳᤋᤢᤖᤥ ᤗ᤹ᤖᤡᤰ ᤛᤠᤵᤋᤧ᤹ᤀᤥ॥”

²² ᤁᤖ ᤐᤡᤗᤠᤋᤛᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤆᤩᤠ ᤛᤠᤵᤋᤢᤱ. ᤂᤧᤴ ᤛᤠᤵᤋᤢᤱ ᤛᤠᤵᤋᤢᤱ॥”

²³ ᤌᤰᤛᤢᤒᤠᤜᤠ᤹ᤖᤧ ᤕᤧᤛᤢ᤺ᤴ ᤔᤧᤓᤥ᤺ᤴᤍᤢ ᤔᤧᤛᤢᤖᤢᤀᤠᤱ ᤂᤢᤏᤧ᤹ ᤁᤢᤍᤣ᤺ᤳᤜᤠ᤹ ᤗᤡᤛᤡ ᤗᤰᤁᤥ ᤔᤧᤜᤠ᤺ᤳᤇᤡᤱᤗᤥ॥ ᤁᤖ ᤁᤢᤗᤃᤣ᤺ᤳᤋᤡᤴ ᤁᤢᤍᤢᤶᤒᤣ ᤔᤧ᤺ᤴᤏᤣᤒᤠ ᤛᤷᤎᤰ ᤑ᤺ᤔᤏᤠᤒᤠ ᤆᤥᤃᤧ.

²⁴ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ ᤀᤰᤂᤣ ᤔᤧᤔᤧᤳᤇᤡᤱ. “ᤁᤱᤃ ᤀᤠᤏᤡ᤹ ᤌᤧ᤺ᤰᤂᤢᤶ ᤔᤧ᤺ᤴᤗᤥ. ᤁᤖ ᤋ᤹ᤕᤠ᤺ᤴᤛᤥ᤺ᤴ ᤁᤧ᤺ᤛᤢᤶᤗᤥ॥ ᤀᤠᤳᤋᤡᤸᤗᤧ ᤁᤢᤗᤰᤁᤥ ᤌᤠ᤺. ᤜᤠᤖᤠ᤹ ᤂᤧᤸᤗᤧᤀᤣ ᤂᤧᤴ ᤋᤣ᤹ᤖᤢᤏᤡᤖᤥ॥” ᤁᤴ ᤐᤠ᤺ᤴᤏᤡᤱᤃ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤀᤡᤱᤃᤠ᤹ ᤀᤠᤈᤠᤱᤜᤠ᤹ ᤔᤧᤜᤠ᤺ᤳᤇᤡᤱᤗᤥ. ᤜᤧᤰᤁᤩᤠᤱ ᤀᤠᤍᤣ᤺ᤳᤋᤡᤴ ᤋ᤹ᤕᤠᤏ᤺ᤴᤛᤥ᤺ᤴ ᤔᤧᤃᤧᤛᤢ᤹ᤖᤥ ᤗ᤹ᤖᤡᤰ ᤛᤠᤵᤋᤧᤀᤠᤱ ᤁᤧᤒᤵᤐᤧᤴ ᤁᤧᤖᤧᤒᤠᤖᤥ॥ ᤜᤧᤰᤁᤣᤗ᤹ᤖᤡᤰ ᤌᤰᤛᤢᤒᤠᤜᤠ᤹ᤖᤧᤀᤠᤱ ᤒᤠ ᤜᤧᤰᤁᤣᤀᤣ ᤔᤧᤈᤥᤃᤢᤖᤥ॥

²⁵ ᤕᤧᤛᤢ᤺ᤴ ᤛᤡᤗᤠᤶᤛᤠᤰᤔᤠ ᤛᤡᤱᤅᤥ ᤔᤧᤓᤥ᤺ᤴᤍᤢᤒᤠᤸᤗᤧ ᤁᤢᤒᤣᤛᤠᤱ ᤁᤢᤶᤔᤠ. ᤁᤢᤴᤇᤢᤔᤠ᤹. ᤰᤗᤥᤐᤠᤛᤖᤧ ᤁᤢᤔᤣ᤺ᤳ ᤔᤖᤡᤕᤔ. ᤜᤧᤰᤁᤩᤠᤱ ᤔᤖᤡᤕᤔ ᤔᤃ᤻ᤍᤗᤡᤏᤡᤛᤡ ᤔᤧᤕᤧᤒᤧᤖᤥ॥

²⁶ ᤕᤧᤛᤢᤖᤧ ᤁᤢᤶᤔᤠ ᤜᤧᤰᤁᤩᤠᤱ ᤗᤢᤱᤔᤠ᤹ ᤋᤢᤰᤋᤢᤒᤠ ᤁᤢᤜᤢ᤹ᤛᤠᤶᤒᤠᤴᤏᤠᤱ ᤂᤧᤵᤔᤥ ᤏᤡ᤺ᤳᤋᤠᤱ ᤕᤧᤒᤧᤳᤇᤡᤒᤠ ᤏᤡ᤺ᤛᤢᤛᤡᤸᤗᤧ ᤁᤢᤶᤔᤠ ᤔᤧᤳᤋᤢ. “ᤂᤢᤏᤧ᤹ᤃ ᤁᤧᤛ᤻ᤛᤠ᤺ᤖᤥ॥”

²⁷ ᤜᤧᤰᤁᤩᤠᤱ ᤂᤧᤴ ᤜᤢ᤹ᤛᤠᤶᤒᤠᤴ ᤔᤧᤳᤋᤢ. “ᤂᤢᤏᤧ᤹ᤃ ᤌᤠᤔᤧᤴᤍᤡᤱ ᤁᤧᤶᤔᤠᤖᤥ॥” ᤂᤧᤴ ᤕᤧᤶᤔᤠᤱᤎᤥᤃ ᤂᤧᤴ ᤜᤢ᤹ᤛᤠᤶᤒᤠᤸᤗᤧ ᤔᤖᤡᤕᤶᤔᤡᤴ ᤁᤢᤜᤡᤶᤔᤥ ᤋᤣ᤹ᤖᤢᤖᤥ॥

²¹ यहुदिहाॽरे़ खुनिॽ तुम्निङ्‌वाॽफुसाम्‍बाहाॽरे़ पिलातसे़न् अक्‍खे मे़मे़त्तुर मे़अत्तुरो, “खे़न् यहुदिहाॽरे़ खुनिॽ हाङ् लॽरिक् मे़साप्‍ते़न्‍ने़ॽओ, कर कन् मनाःल्‍ले़ यहुदिहाॽरे़ खुनिॽ हाङ्‌आ लॽरिक् पाःत्तुरो लॽरिक् साप्‍ते़ॽओ॥”

²² कर पिलातसरे़ खे़ङ्‌हाॽ मे़त्तुसि, “इङ्‌गाॽ च्‍या साप्‍तुङ्, खे़न् साप्‍तुङ् साप्‍तुङ्॥”

²³ थक्‍सुबाहाॽरे़ ये़सुःन् मे़भोःन्‍दु मे़सुरुआङ् खुने़ॽ कुदेःत्‍हाॽ लिसि लक्‍को मे़हाःत्‍छिङ्‌लो॥ कर कुलगेःत्तिन् कुदुम्‍बे मे़ःन्‍नेबा सर्धक् फःमनाबा चोगे़,

²⁴ खे़ल्‍ले़ चोगुल्‍ले़ खे़ङ्‌हाॽ अक्‍खे मे़मे़त्‍छिङ्, “कङ्‌ग आनिॽ थे़ःक्‍खुम् मे़ःन्‍लो, कर तॽयाःन्‍सोःन्‌के़ःसुम्‍लो॥ आत्तिल्‍ले़ कुलक्‍को थाः, हाराॽ खे़ल्‍ले़ए खे़न् तेॽरुनिरो॥” कन् पाःन्‍निङ्‌ग साम्‌योसाप्‍लाओ अक्‍खेलॽरिक् खे़ङ्‌हाॽरे़ इङ्‌गाॽ आजाङ्‌हाॽ मे़हाःत्‍छिङ्‌लो, हे़क्‍क्‍याङ् आदेःत्तिन् तॽयानःन्सोःन् मे़गे़सुॽरो लॽरिक् साप्‍ते़आङ् के़बप्‍पे़न्‌के़रे़बारो॥ हे़क्‍केलॽरिक् थक्‍सुबाहाॽरे़आङ् बा हे़क्‍केए मे़जोगुरो॥

²⁵ ये़सुःन् सिलाम्‍साक्‍मा सिङ्‌ङो मे़भोःन्‍दुबाल्‍ले़ कुबेसाङ् कुम्‍मा, कुन्‍छुमाॽ, क्‍लोपासरे़ कुमेःत् मरियम, हे़क्‍क्‍याङ् मरियम मग्‍दलिनिसि मे़ये़बे़रो॥

²⁶ ये़सुरे़ कुम्‍मा हे़क्‍क्‍याङ्‌लुङ्‌माॽ तुक्‍तुबा कुहुॽसाम्‍बान्‍नाङ् खे़प्‍मो निःत्ताङ् ये़बे़त्‍छिबा निःसुसिल्‍ले़ कुम्‍मा मे़त्तु, “खुने़ॽग के़स्‍साःरो॥”

²⁷ हे़क्‍क्‍याङ् खे़न् हुॽसाम्‍बान् मे़त्तु, “खुने़ॽग थामे़न्‍दिङ्‌के़म्‍मारो॥” खे़न् ये़म्‍माङ्धोग खे़न् हुॽसाम्‍बाल्‍ले़ मरियम्‍मिन् कुहिम्‍मो तेॽरुरो॥