4 यहोसुमी मारदे इस्राएली आन कली ख्रोइक्तीक चिनु ख्रोइक्तु देंशा हना, इजीप्त रागी रे पिशो वोंइश मुर नु लडाइ पाइब नेल्ल गोरशो रागीमी बेक्ने थुम्शो बाक्तेक्म।
5 इजीप्त रागी रे पिशो वोंइश मुर नेल्ल आन के ख्रोइक्तीक चिनु ख्रोइक्ने थुम्शो बाक्तेक्म। तन्न गोरशो रागीमी जरमेशो आन कली चहिं ख्रोइक्तीक चिनु मख्रोइश्शो बाक्तेक्म।
6 मिनु ङोंइती परमप्रभु यावेमी आंइ किकी पिपी आन कली “दूध नु खुदो शुश बाक्शो रागी इन चच युइ आन कली गेनुङ” दे कसम जाप्तु। तन्न आ लोव़ मटितीके इजीप्त रे पिशो लडाइ पाइब नेल्ल ४० बर्स गोरशो रागीमी मबेक्मा सम्म हिरचा माल्तेक्म। परमप्रभु यावेमी मेको आन मटितीके मेको आन कली “गे इन कली मेको दूध नु खुदो शुश बाक्शो रागी ओव़चा मगेनुङ” दे कसम जशो बाक्त। गन्ती १४:२२-२३
